19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
Բելառուսում հայտնել են ռազմական օդանավակայանում հրդեհի մասին
Քաղաքականություն
11.08.2022 | 13:25
Բելառուսի Գոմելի շրջանում՝ «Զյաբրովկա» ռազմական օդանավակայանում, գիշերը տեխնիկա է բռնկվել։ Այս մասին օգոստոսի 11-ի առավոտյան հայտնել է Բելառուսի Պաշտպանության նախարարությունը։
«Օգոստոսի 10-ին, ժամը 23:00-ի սահմաններում, շարժիչի փոխարինումից հետո տեխնիկայից մեկի հսկողության ընթացքում այն բռնկվել է: Անձնակազմի կողմից ժամանակին միջոցներ են ձեռնարկվել կրակը մարելու ուղղությամբ, զոհեր և վիրավորներ չկան»,- հայտնում են ռազմական գերատեսչությունից։
Իր հերթին, Belaruska Gayun մոնիթորինգի խումբը հայտնել է «Զյաբրովկա» օդանավակայանում պայթյունների և բռնկումների մասին՝ վկայակոչելով մի քանի աղբյուրներ։ Ընդհանուր առմամբ, եղել է առնվազն ութ բռնկում։
Ժամը 00:25-ից 00:32-ը լսվել են պայթյուններ, զգացվել է ցնցող ալիք, մի քանի անգամ շարունակական ամպամածության միջով տեսանելի են եղել լուսային շողեր։ Ուղղությունը Զյաբրովի օդանավակայանն է, ասվում է հաղորդագրության մեջ։
Հիշեցնենք, որ դեռ հուլիսի սկզբին Բելառուսը «Զյաբրովկա» օդանավակայանը փոխանցել էր Ռուսաստանի լիակատար վերահսկողությանը։ Այնտեղ ռուսական ռազմաբազա է ստեղծվել, մեծ քանակությամբ տեխնիկա է կենտրոնացված։
Տաթև Ֆռանգյան
