19.08.2026 | 15:10
Պապիկյանն անակնկալ զորամասեր է այցելում // 18-ամյա աղջկա առևանգման գործով ձերբակալված կա․ ԼՈՒՐԵՐ
Մեծ Բրիտանիան Ուկրաինային ևս երեք M270 հրթիռային կայանք է տրամադրելու
Քաղաքականություն
11.08.2022 | 12:53
Բրիտանիան որոշել է Ուկրաինային տրամադրել ևս երեք M270 հրթիռային կայանք և դրանց համար հրթիռների մեծ պաշար։ Այս և նմանատիպ ամերիկյան HIMARS կայանքներից ուկրաինական բանակը ճշգրիտ հարվածներ է հասցնում ռուսների թիկունքում, գրում է BBC-ի ռուսական ծառայությունը։
Այս որոշման մասին նախ հայտարարել է Մեծ Բրիտանիայի ՊՆ ղեկավար Բեն Ուոլեսը, ապա նաև առաձին հայտարարություն է տարածել պաշտպանական գերատեսչության մամուլի ծառայությունը։ Հունիսին, երբ Բրիտանիան որոշեց հանձնել առաջին M270-ները, մամուլում տեղեկություններ հայտնվեցին, որ դրանք լինելու են երեքը։
Պաշտպանության նախարարությունը մամուլի հաղորդագրությունում նշում է նաև, որ լրացուցիչ կայանքների հետ մեկտեղ՝ Բրիտանիան ուկրաինացիներին կտրամադրի «զգալի քանակությամբ M31A1 բարձր ճշգրտության կառավարվող հրթիռներ, որոնք կարող են խոցել թիրախները մինչև 80 կմ հեռավորության վրա»։
Բրիտանիայի ՊՆ-ն նաև հիշեցնում է, որ Ուկրաինային արդեն 2,3 մլրդ դոլարի ռազմական օգնություն է ցուցաբերել։
Էմմա Չոբանյան
