16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Ռուսաստանը ռազմական բեռով նավ է անցկացրել Բոսֆորով․ Bloomberg
Քաղաքականություն
10.08.2022 | 20:55
Ռուսաստանն օգտագործել է ամերիկյան պատժամիջոցների տակ գտնվող առևտրային «Սպարտա 2» նավը, որը հուլիսի վերջին անցել է թուրքական Բոսֆորը՝ Սիրիայից Ռուսաստան ռազմական բեռի փոխադրման համար։ Այս մասին գրում է Bloomberg-ը՝ վկայակոչելով եվրոպական հետախուզությունը։
Գործակալության աղբյուրները ենթադրում են, որ նավը ռազմական տեխնիկա է մատակարարել սիրիական Տարտուս նավահանգստից։ Նավը տեսել են Սիրիայում, այնուհետև՝ Բոսֆորն անցնելիս, որից հետո Նովոռոսիյսկում հայտնաբերվել է առնվազն 11 մեքենա, որոնք, հավանաբար, բեռնաթափել են։
Հաղորդվում է, որ նավը պատկանում է այս տարվա մայիսին ԱՄՆ-ի կողմից պատժամիջոցների ենթարկված և ՌԴ Պաշտպանության նախարարության կողմից վերահսկվող ընկերությանը։ Այն անցել է Բոսֆորի նեղուցը՝ ակնհայտորեն առանց ՆԱՏՕ-ի անդամ Թուրքիայի միջամտության:
Լրատվամիջոցին ամերիկացի մի պաշտոնյա ասել է, որ Վաշինգտոնը կարծում է, որ Ռուսաստանն օգտագործում է առևտրային նավերը՝ Սև ծով ռազմական պաշարների տեղափոխման համար։
Էմմա Չոբանյան
