19.08.2026 | 13:10
Հունահռոմեական ոճի ըմբշամարտի Հայաստանի Մ-20 հավաքականն ԱԱ-ում ելույթն ավարտեց 4 մեդալով
Հունգարիան և Սլովակիան հայտնել են, որ վճարել են Ուկրաինայի տարածքով ռուսական նավթի տարանցման համար
Քաղաքականություն
10.08.2022 | 20:28
Հունգարական MOL նավթավերամշակման ընկերությունն ու սլովակյան Slovnaft-ը հայտարարել են, որ վճարել են Ուկրաինայով անցնող «Դրուժբա» նավթատարով ռուսական նավթի տարանցման համար, գրում է BBC-ի ռուսական ծառայությունը։
Ելնելով այն բանից, որ վճարումն արդեն իրականացված է, Slovnaft-ն ակնկալում է, որ նավթի մատակարարումները կվերականգնվեն մոտ օրերս, ասված է ընկերության հայտարարության մեջ։
«Դրա հետ համաձայնել է նաև ռուսական կողմը»,- հայտնում է ընկերությունը։
Սլովակիայի կառավարությունը հայտնել է, որ ուկրաինական կողմը պատրաստակամություն է հայտնել վերսկսել մատակարարումները, եթե վճարման գործընթացն ավարտվի։
Նախօրեին «Տրանսնեֆտ»-ը հայտարարել էր, որ վճարել է Ուկրաինայով նավթի տարանցման համար, սակայն «Ուկրտրանսնաֆտան» վերադարձրել է վճարումը «Գազպրոմբանկին»։ Ուկրաինական կողմը դա բացատրել է ԵՄ-ի սահմանած պատժամիջոցներով։
Ավելի ուշ հայտնի դարձավ, որ ռուսական կողմը վերականգնել է Ուկրաինայով նավթի մատակարարումները։
Տաթև Ֆռանգյան
