19.08.2026 | 13:10
Հունահռոմեական ոճի ըմբշամարտի Հայաստանի Մ-20 հավաքականն ԱԱ-ում ելույթն ավարտեց 4 մեդալով
Չինաստանը վերահաստատել է Թայվանի դեմ ռազմական ուժ կիրառելու պատրաստակամությունը
Քաղաքականություն
10.08.2022 | 15:32
Այսօր Չինաստանը վերահաստատել է ռազմական ուժ կիրառելու իր պատրաստակամությունը՝ ինքնավար Թայվանն իր վերահսկողության տակ վերցնելու համար, գրում է VOA-ն։
Հայտարարությունը հնչել է Պեկինի զորավարժությունների ֆոնին, որոնք կողմերի միջև լարվածությունը հասցրել են վերջին տարիների ամենաբարձր մակարդակին:
Պետխորհրդի Թայվանի գործերի գրասենյակի և դրա տեղեկատվական դեպարտամենտի կողմից հրապարակված հայտարարությանը նախորդել են մոտ մեկ շաբաթ հրթիռային հարձակումներ և ներխուժումներ չինական ռազմանավերի և ինքնաթիռների կողմից Թայվանի ջրային և օդային տարածք: Այս գործողությունները խաթարել են օդային հաղորդակցությունն ու նավագնացությունը տարածաշրջանում, որը մեծ նշանակություն ունի տարածաշրջանում համաշխարհային մատակարարման շղթաների համար՝ արժանանալով ԱՄՆ-ի, Ճապոնիայի և այլ երկրների խիստ դատապարտմանը:
Հայտարարության մեջ ասվում է, որ Պեկինը «կաշխատի առավելագույն անկեղծությամբ և կգործադրի բոլոր ջանքերը՝ խաղաղ միավորման հասնելու համար»։
«Սակայն մենք չենք հրաժարվի ուժի կիրառումից և հնարավորություն ենք վերապահում ձեռնարկելու բոլոր անհրաժեշտ միջոցները։ Դա անհրաժեշտ է՝ արտաքին միջամտությունից և ցանկացած անջատողական գործունեությունից պաշտպանվելու համար»,- ասվում է հայտարարության մեջ։
Տաթև Ֆռանգյան
