18.05.2026 | 18:03
«Ռեալը» հրաժեշտ է տվել թիմի ավագին
Ոստիկանությունը խուզարկություններ է իրականացրել ռուսական Առաջին ալիքի նախկին խմբագիր Մարինա Օվսյաննիկովայի տանը
Քաղաքականություն
10.08.2022 | 14:50
Ոստիկանությունը խուզարկություններ է իրականացրել ռուսական Առաջին ալիքի նախկին աշխատակցուհի Մարինա Օվսյաննիկովայի տանը։ Այս մասին նա հայտնել է OVD-Info-ին։ Իրավաբանական օգնություն ցույց տալու համար նրա մոտ է գնացել OVD-Info-ի փաստաբան Դմիտրի Զախվատովը:
Փաստաբանի խոսքով՝ իրավապահները հրաժարվել են սպասել իր ժամանմանը և Օվսյաննիկովայի տուն են ներխուժել։ Խուզարկությունը տեղի է ունեցել «Ռուսաստանի զինված ուժերի մասին գիտակցաբար կեղծ տեղեկություններ հրապարակելու» հոդվածով հարուցված քրեական գործի (ՌԴ Քրեական օրենսգրքի 207.3 հոդված) շրջանակում, գրել է նա իր Telegram ալիքում։
Զախվատովը Meduza-ին ասել է, որ դեռևս չի տեսել գործը բացելու որոշումը, սակայն ենթադրում է, որ դա կապված է Մոսկվայում Օվսյաննիկովայի հակապատերազմական պիկետի հետ։
Հիշեցնենք, որ Օվսյաննիկովան բողոքի ակցիա էր անցկացրել «Առաջին ալիքի» եթերում՝ Ուկրաինայում պատերազմի դեմ ցուցանակը ձեռքին ուղիղ եթերի տաղավար ներխուժելով։
Տաթև Ֆռանգյան
