16.09.2026 | 18:18
Ինչ տեսանք Ադրբեջանի պաշտոնյայի կողմից անընդունելի է. Փաշինյանը` Հաջիևի մասին․ ՏԵՍԱՆՅՈՒԹ
Ճապոնիան նոր կառավարություն ունի
Քաղաքականություն
10.08.2022 | 13:43
Ճապոնիայի նախարարների կաբինետի գլխավոր քարտուղար Հիրոկազու Մացունոն օգոստոսի 10-ին հրապարակել է երկրի կառավարության նոր կազմը։ Ինչպես և սպասվում էր՝ ԱԳ նախարար Յոշիմասա Հայաշին և ֆինանսների նախարար Շունիչի Սուզուկին պահպանել են իրենց պաշտոնները, գրում է DW-ի ռուսական ծառայությունը։
Մացունոն նույնպես կշարունակի կատարել իր պարտավորությունները, ինչպես նաև տնտեսական վերականգնման նախարար Դայսիրով Յամագիվան, հայտնում է Kyodo գործակալությունը։
Ճապոնիայի պաշտպանության նախարար է նշանակվել Յասուկազու Համադան, որն արդեն զբաղեցրել է այդ պաշտոնը 2008-2009 թվականներին։
Յասուտոշի Նիշիմուրան, որը մինչ այժմ պատասխանատու է եղել կորոնավիրուսի դեմ պայքարի համար և եղել է տնտեսական զարգացման նախկին նախարարը, դարձել է էկոնոմիկայի, առևտրի և արդյունաբերության նախարար։ Նա նաև ստացել է Ռուսաստանի հետ տնտեսական հարաբերությունների համար պատասխանատու նախարարի պաշտոնը։
Տաթև Ֆռանգյան
