16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ռուսաստանը կամավորական գումարտակներից երրորդ բանակային կորպուս է ստեղծում․ Բրիտանական հետախուզություն
Քաղաքականություն
10.08.2022 | 13:03
Ուկրաինայում պատերազմի իրավիճակի վերաբերյալ բրիտանական հետախուզության ամփոփագրում նշվում է, որ Ռուսաստանը փորձում է ստեղծել նոր բանակային կորպուս, որը կոչված է օգնելու նրան հաղթահարել երկու տարբեր խնդիրներ․ մի կողմից՝ ուժեղացնել հարձակումը Դոնբասում, մյուս կողմից՝ ամրացնել պաշտպանությունը Ուկրաինայի հարավում այդ երկրի զինված ուժերի ենթադրյալ հարձակումից առաջ, գրում է BBC-ի ռուսական ծառայությունը։
Մեծ Բրիտանիայի ՊՆ տվյալներով՝ Երրորդ բանակային կորպուսը տեղակայված է Մուլինոյում (Նիժնի Նովգորոդի շրջան):
«Ռուսաստանը, ամենայն հավանականությամբ, ծրագրում է ձևավորվել այն մեծամասամբ նորաստեղծ «կամավորական» գումարտակների միջոցով, որոնք հավաքվում են ամբողջ երկրում և ներառում են կամավորների խմբեր որոշակի տարածքներից»,- ասվում է հետախուզության զեկույցում:
Այս կամավորներին առաջարկում են նշանակալի բոնուսներ Ուկրաինա ուղարկելիս, իսկ գումարտակներում ընդունում են մինչև 50 տարեկան, առանց բարձրագույն կրթության անձանց։
«Ռուսական բանակային կորպուսը սովորաբար կազմված է 15-20,000 մարդուց, սակայն Ռուսաստանին, հավանաբար, դժվար կլինի Երրորդ բանակային կորպուսի թվաքանակը հասցնել նման ցուցանիշի՝ հաշվի առնելով ուկրաինական պատերազմին կամավոր մասնակցելու մարդկանց խիստ սահմանափակ ցանկությունը»,- ասվում է զեկույցում։
Ըստ Բրիտանիայի ՊՆ-ի՝ Երրորդ բանակային կորպուսն այս պատերազմում դժվար թե վճռական դերակատարում ունենա։
Էմմա Չոբանյան
