19.08.2026 | 14:13
4-րդ հանրապետության ճարտարապետը Թուրքիան է, իսկ կոնստրուկտորը՝ Ադրբեջանը․ Իշխան Սաղաթելյան․ ՏԵՍԱՆՅՈՒԹ
ԱՄՆ-ը վավերացրել է ՆԱՏՕ-ին Շվեդիայի և Ֆինլանդիայի անդամակցության արձանագրությունները
Քաղաքականություն
10.08.2022 | 11:35
ԱՄՆ նախագահ Ջո Բայդենը ստորագրել է ՆԱՏՕ-ին Ֆինլանդիայի Հանրապետության և Շվեդիայի Թագավորության անդամակցության արձանագրությունները, հայտնում է ԱՄՆ Պետքարտուղարությունը։ Սա Հյուսիսատլանտյան ռազմական դաշինքի ամենանշանակալի ընդլայնումն է 1990-ականներից ի վեր, հայտնում է Reuters-ը։
«Մենք նշում ենք այս պատմական պահը, որն ընդգծում է ԱՄՆ-ի հանձնառությունը մեր ընդհանուր անդրատլանտյան անվտանգությանը»,- պետքարտուղար Էնթոնի Բլինքենի խոսքերն է մեջբերվում Պետքարտուղարության հաղորդագրության մեջ:
Ինքը՝ նախագահը, վավերացման փաստաթղթերի ստորագրման ժամանակ նշել է, որ «հավատում է դաշինքին և ավելի մեծ անվտանգությանն ու կայունությանը ոչ միայն Եվրոպայի և Միացյալ Նահանգների, այլև ամբողջ աշխարհի համար»։
Բայդենը հորդորել է ՆԱՏՕ-ի բոլոր դաշնակիցներին՝ հնարավորինս շուտ հավանություն տալ Շվեդիայի և Ֆինլանդիայի անդամակցությանը ՆԱՏՕ-ին։ Փաստաթղթերի ստորագրման նախօրեին նա հեռախոսազրույցներ է ունեցել Ֆինլանդիայի նախագահ Սաուլի Նիինիստոյի և Շվեդիայի վարչապետ Մագդալենա Անդերսոնի հետ, որոնց ընթացքում քննարկվել է վավերացման հարցը։
Տաթև Ֆռանգյան
