27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Թուրքական պատվիրակությունը հաջորդ շաբաթ կմեկնի ԱՄՆ՝ F-16-երի գնման հարցով բանակցությունների
Քաղաքականություն
09.08.2022 | 16:58
Թուրքական պատվիրակությունը հաջորդ շաբաթ մեկնելու է Վաշինգտոն` F-16 կործանիչների գնման հարցով բանակցությունների, գրում է AFP-ն, որին վկայակոչում է Turkishminute-ը։
Թուրքիայի պաշտպանության նախարար Հուլուսի Աքարը հայտարարել է, որ թուրքական պատվիրակությունը երկուշաբթի մեկնելու է Վաշինգտոն՝ ԱՄՆ պաշտոնյաների հրավերով, որոնց անունները, սակայն, չեն նշվում։
Աքարն ընդգծել է, որ Անկարան կտրականապես դեմ է մնում վաճառքի պայմաններին, որոնք պարտադրում են Կոնգրեսի առաջատար անդամները, որոնք անհանգստացած են Հունաստանի հետ Թուրքիայի լարված հարաբերություններից:
«Մենք չենք կարող ընդունել այդ պայմանները։ Մեր ցանկությունն այն է, որ Սենատը դրանք չեղարկի»,- ասել է Աքարը։
Հիշեցնենք, որ ԱՄՆ նախագահ Ջո Բայդենն իր աջակցությունն էր հայտնել Թուրքիայի F-16 կործանիչների ու դրանց արդիականացման սարքերի վաճառքին։ Սակայն ԱՄՆ Ներկայացուցիչների պալատն ավելի վաղ ընդունել էր 2023 թվականի Ազգային պաշտպանության վավերացման ակտում չորս փոփոխությունները, որոնցից մեկը վերաբերում է F-16-երի վաճառքի սահմանափակումներին։
Էմմա Չոբանյան
