21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Ուկրաինական հացահատիկով առաջին նավը մնացել է Միջերկրական ծովում․ գնորդ չկա․ Bloomberg
Քաղաքականություն
09.08.2022 | 16:13
Ուկրաինական հացահատիկով առաջին նավը ներկայում գտնվում է Միջերկրական ծովում՝ նոր ուղղության փնտրտուքներում, քանի որ սպասում է նոր գնորդի, գրում է Bloomberg-ը։
Երկուշաբթի Բեյրութում Ուկրաինայի դեսպանատունը հրապարակել էր Razoni նավի լուսանկարը՝ հայտնելով, որ բեռի գնումը մերժվել է Լիբանանի գնորդի կողմից՝ առաքումը հինգ ամիս ուշացնելու պատճառով։ Սա պարենով բեռնված առաջին ուկրաինական նավն էր, որը պատերազմի մեկնարկից հետո դուրս էր եկել Օդեսայի նավահանգստից։
«Գնորդին հասնելու ճանապարհին տիրող խառնաշփոթն ընդգծում է խնդիրները, որոնք պետք է լուծել ուկրաինական հացահատիկի մատակարարումների կարգավորման համար, քանի որ պատերազմը շարունակվում է»,- գրում է լրատվամիջոցը։
Հացահատիկով բեռնված ևս երկու ուկրաինական նավեր պետք է հասնեն իրենց նշանակման նավահանգիստները մոտ մեկ շաբաթից: Միաժամանակ, The New York Times-ը նշում է, որ ուկրաինական հացահատիկի մատակարարումներից որևէ մեկը նախատեսված չէ Եմենի, Սոմալիի, Եթովպիայի կամ այլ երկրների համար, որոնք ամենաշատն են տուժել պարենային ճգնաժամից։ Ուկրաինական նավերը մեկնում են Մեծ Բրիտանիա, Իռլանդիա, Իտալիա և Չինաստան:
Էմմա Չոբանյան
