16.09.2026 | 13:07
Դուք ուզում եք գազը թանկանա, ուզում եք սանկցիաները ավելանան․ Թունյանը՝ «Ուժեղ Հայաստան»-ին․ ՏԵՍԱՆՅՈՒԹ
Ավելի քան 20 չինական ռազմական ինքնաթիռ թռել է դեպի Թայվան
Քաղաքականություն
08.08.2022 | 20:34
Չինաստանի Ժողովրդական ազատագրական բանակի (PLA) 21 ռազմական ինքնաթիռ և 13 ռազմանավ երկուշաբթի՝ օգոստոսի 8-ին, մեկնել է Թայվանի նույնականացման գոտի։ Այս մասին հայտնում է ՌԻԱ Նովոստին՝ Թայվանի պաշտպանության գերատեսչությանը հղումով։
Գերատեսչության հաղորդագրության համաձայն՝ վեց J-11 կործանիչ, չորս J-16, ութ Սու-30, երկու Xian JH-7 կործանիչ-ռմբակոծիչ և մեկ KA-28 ASW հակասուզանավային ուղղաթիռ ուղղվել են դեպի կղզու հակաօդային պաշտպանության նույնականացման գոտի։
Թայվանի Պաշտպանության նախարարության տվյալներով՝ կղզու ռազմադային ուժերն օդային պարեկության են ուղարկվել, տեղակայվել են զենիթահրթիռային համակարգեր՝ իրավիճակը վերահսկելու համար։ Ընդհանուր առմամբ, ըստ գործակալության, երկուշաբթի կղզու մոտ նկատվել է 39 չինական ռազմական ինքնաթիռի ակտիվություն։
ԱՄՆ Կոնգրեսի Ներկայացուցիչների պալատի նախագահ Նենսի Փելոսիի՝ Թայբեյ կատարած այցի ավարտից հետո Չինաստանի զինված ուժերը լայնածավալ զորավարժություններ են սկսել Թայվանի շրջակայքի վեց շրջաններում: Զորավարժությունները պետք է ավարտվեին կիրակի կեսօրին (Մոսկվայի ժամանակով 07.00-ին), սակայն ՉԺՀ Պաշտպանության նախարարությունը երկարաձգել է դրանք։
Տաթև Ֆռանգյան
