16.09.2026 | 13:33
«Պետք ա ձեզ «պոնչո» անեինք, ասեինք՝ ապրե՛ս, լո՞ւրջ». Խամոյանը՝ Հարությունյանին․ ՏԵՍԱՆՅՈՒԹ
Ուկրաինական հացահատիկով առաջին նավը հասել է իր վերջնակետին
Քաղաքականություն
08.08.2022 | 18:32
Ուկրաինական գյուղմթերքի բեռներով POLARNET նավը Ստամբուլում հաջողությամբ անցել է ստուգումները և հասել Թուրքիայում իր վերջնակետին։ Այս մասին օգոստոսի 8-ին հայտնել են երկրի Ենթակառուցվածքների նախարարությունից, գրում է Korrespondent-ը։
Նշվում է, որ «հացահատիկի նախաձեռնության» իրականացման այս առաջին հաջող փորձը թույլ է տալիս լավատեսորեն տրամադրվել բեռնափոխադրումների ապագա հեռանկարին։
«Շնորհակալ եմ ՄԱԿ-ի և Թուրքիայի մեր գործընկերներին՝ նավի երթևեկության անվտանգությունն արդյունավետորեն ապահովելու և համաձայնագրերի կատարման բոլոր փուլերում առավելագույն համագործակցության համար։ Ցանկանում եմ շնորհակալություն հայտնել POLARNET նավի անձնակազմին՝ հացահատիկային միջանցքից առաջինն օգտվելու պատրաստակամության համար»,- ասել է ենթակառուցվածքների նախարար Ալեքսանդր Կուբրակովը։
NAVI STAR և ROJEN նավերի ժամանումը, որոնք ուկրաինական նավահանգիստները լքել էին POLARNET-ի հետ նույն օրը, սպասվում է շուրջ մեկ շաբաթից։
Հիշեցնենք՝ առաջին նավը, որը լքել է Ուկրաինան հացահատիկային միջանցքի համաձայնագրով, RAZONI բեռնանավն էր՝ Սիերա Լեոնեի դրոշով: Այն 26 հազար տոննա ուկրաինական եգիպտացորենով Լիբանան է մեկնել օգոստոսի 1-ին։
Տաթև Ֆռանգյան
