22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Մեր` 40 հազար նմուշից բաղկացած գանձարանի ընդամենը 5 տոկոսն է ցուցադրվում. Պատկերասրահի տնօրեն. ՏԵՍԱՆՅՈւԹ
Հաղորդաշարեր
07.08.2022 | 19:02
«Մեր խնդիրներն այսօր բավական շատ են, ճիշտ է` օդափոխության հարցը մասնակի լուծված է, սակայն այն գործում է միայն ցուցադրության համար. մենք չունենք օդափոխության համակարգ պահոցներում գտնվող հազարավոր նմուշների համար»,-Factor TV-ի հետ զրույցում նշում է Հայաստանի ազգային պատկերասրահի տնօրեն Մարինա Հակոբյանը:
Նրա խոսքով` ռազմական դրության, համաճարակի պատճառով թանգարանները տևական ժամանակ բարդ կացության մեջ էին հայտնվել, ինչը բավական ճնշող էր: Հիմա արդեն, երբ ամբողջովին վերանորոգվել են պատկերասրահի երկու հարկերը, փոխվել է նաև մշտական ցուցադրության կոնցեպտը. «Տասնյակ տարիներ շարունակ այցելուները պատկերասրահում տեսնում էին նույն ցուցանմուշները, հիմա նորովի է բացվելու թանգարանը: Առհասարակ, մեր 40 հազար նմուշից բաղկացած գանձարանի ընդամենը 5 տոկոսն է ցուցադրվում այցելուներին. խոսքը 2000 ցուցանմուշի մասին է».-ասում է տնօրենը:
Նա շեշտում է արդիականացման խնդիր կա Հայաստանի ազգային պատկերասրահի բոլոր 13 մասնաճյուղերում. «Ապակենտրոնացումը մեր առաջնային խնդիրներից է, պետք է կարողանանք մասնաճյուղ-թանգարանները ևս դարձնել գրավիչ:
Քայլ առ քայլ վերանորոգման աշխատանքներ ենք տանում: Մասնաճյուղ-թանգարանների ամենամեծ խնդիրը շենքային պայմաններն են. եթե դրանք վատն են, ոչ մի գովազդ այլևս չի օգնում: Այսօր այդ թանգարանները գոյատևում են աշխատակիցների էնտուզիազմի հաշվին»:
«Ինստագրամի» և «Տիկտոկի» դարաշրջանում Հայաստանի ազգային պատկերասրահն էլ փորձում է հետ չմնալ միտումներից և թանգարանի նորությունները ներկայացնել նաև այդ հարթակներում. «Ինստագրամում», օրինակ, բավական ակտիվ ենք, «Տիկտոկում»` դեռևս ոչ: Այս փուլում ինքներս էլ առանձնապես գոհ չենք մեր աշխատանքից, հարկավոր է ավելի ակտիվանալ: Եվրոպական թանգարաններն, օրինակ, բավական ակտիվորեն կիրառում են այդ գործիքները: Մենք պետք է դառնանք ալտերնատիվ սրճարաններին ու ժամանացի մյուս վայրերին: Ճիշտ աշխատանքի դեպքում դա կհաջողվի»:
Մանրամասները`տեսանյութում:
Աննա Բաբաջանյան
