10.08.2026 | 12:52
Նիժնեկամսկի վրա ԱԹՍ-ների հարձակման հետևանքով զոհերի թիվը հասել է 13-ի
ՀՀԿ-ն կանգնած չէ փողոցային ակցիաների թիկունքում․ Արմեն Աշոտյան. ՏԵՍԱՆՅՈՒԹ
Քաղաքականություն
17.05.2018 | 15:34
Հայաստանի առաջին նախագահ Լևոն Տեր-Պետրոսյանը ստեղծված ներքաղաքական իրավիճակում, ըստ իր պատկերացումների, ունի երկու առաքելություն: Այս մասին Ազգային ժողովում լրագրողների հետ զրույցում ասաց ԱԺ ՀՀԿ խմբակցության պատգամավոր, Արտաքին հարաբերությունների հարցերի մշտական հանձնաժողովի նախագահ Արմեն Աշոտյանը:
«Առաջինը, կարծում եմ, մտածելով, որ լինելու են արտահերթ խորհրդարանական ընտրություններ, փորձում է նաև իր կերպարով ակտիվացնել ՀԱԿ-ը, և որոշակի նախընտրական, այսպես ասած, ակտիվություն է դիտարկվում Լևոն Տեր-Պետրոսյանի վերջին օրերի պարբերաբար ի հայտ գալը հանրային դիսկուրսով: Երկորդը՝ կարծում եմ՝ Լևոն Տեր-Պետրոսյանի համար դեռ կարևոր է Լեռնային Ղարաբաղի հիմնահարցի կարգավորման իր տեսլականի, իր մոտեցումների կյանքի կոչումը»,- անդրադառնալով առաջին նախագահի այսօր արած հայտարարությանն՝ ասաց Արմեն Աշոտյանը:
Ըստ ՀՀԿ փոխնախագահի՝ Տեր-Պետրոսյանի հոդվածում բարձաձայնված մյուս հարցերի հասցեատերը Հանրապետականը չէ: Աշոտյանն, անդրադառնալով այս հարցով նաեւ Նիկոլ Փաշինյանի արած հայտարարություններին, ասաց․«Կարծում եմ, որ սաբոտաժ չկա և չի կարող լինել: Հանրապետական կուսակցությունը միակ ընդդիմությունն է խորհրդարանում և մեր խնդիրն է ժողովրդավարության զարգացման տեսակետից այլակարծություն ապահովելը »:
Աշոտյանի պնդմամբ՝ Հանրապետականը չի կարող իրեն մանրախնդիր քայլեր թույլ տալ:
Մանրամասները՝ տեսանյութում:
