06.11.2024 | 12:34
Սպառողին ասում ենք՝ մի գնացեք փոքր խանութներից առևտուր արեք, խոշոր բիզնեսին առավելություն ենք տալիս․ ՏԵՍԱՆՅՈՒԹ
ՌԴ-ն Իրանի լրտես-արբանյակը սկզբնական փուլում ինքն է օգտագործելու՝ Ուկրաինայի դեմ․ Washington Post
Քաղաքականություն
05.08.2022 | 16:14
«Ռոսկոսմոսը» հայտարարել էր օգոստոսի 9-ին Բայկոնուրից իրանական «Խայամ» արբանյակի արձակման մասին։ Սակայն արևմտյան հատուկ ծառայությունների աղբյուրները Washington Post-ին պատմել են, որ սկզբնական փուլում՝ մի քանի ամիս կամ ավելի շատ, Ռուսաստանն ինքն է մտադիր օգտագործել այդ արբանյակը, առաջին հերթին՝ Ուկրաինայի դեմ, գրում է BBC-ի ռուսական ծառայությունը։
Նշվում է, որ արբանյակն ունի բարձր լուծաչափով տեսախցիկ, թեև այս ցուցանիշով զիջում է ամերիկյան կամ իսրայելական հետախուզական արբանյակներին, ինչպես նաև ունակ է տեսախցիկն ուղղել կոնկրետ օբյեկտի վրա։
Ամերիկյան հատուկ ծառայություններն ուշադրությամբ հետևում են իրանական արբանյակային ծրագրի զարգացմանը։ Նրանք գտնում են, որ Իրանը ծրագրում է իր նոր սարքն օգտագործել Պարսից ծոցի արաբական երկրներին ու Իսրայելին հետևելու համար։
Հավելենք, որ «Ռոսկոսմոսը» հայտարարել էր, որ օգոստոսի 9-ին «Սոյուզ-2,16» հրթիռը Բայկոնուրից ուղեծիր է դուրս բերելու Իրանի «Խայամ» հեռահար զոնդավորման արբանյակը։ Նշվում է, որ կրող հրթիռի արձակումը տեղի է ունենալու Իրանի պատվերով։ Արբանյակը ևս պատրաստվել է «Ռոսկոսմոսի» կառույցների մասնագետների կողմից։
Հիշեցնենք, որ հուլիսի 19-ին ՌԴ նախագահ Վլադիմիր Պուտինը Թեհրանում մասնակցում էր Սիրիայի հարցով Թուրքիայի ու Իրանի նախագահների հետ եռակողմ գագաթնաժողովի։
Էմմա Չոբանյան
