13.01.2025 | 18:31
«Մայր Հայաստան» խմբակցությունը Երևանի ավագանու արտահերթ նիստ կգումարի
Շիա ծայրահեղականները ներխուժել են Լոնդոնում Ադրբեջանի դեսպանատուն․ կան ձերբակալվածներ
Քաղաքականություն
05.08.2022 | 11:24
Մի խումբ ցուցարարներ երեկ ներխուժել են Լոնդոնում Ադրբեջանի դեսպանատուն, հայտնում է բրիտանական Metro թերթը։ Սոցիալական ցանցերում կադրեր են հայտնվել, թե ինչպես են մի խումբ տղամարդիկ դրոշներ ծածանում Քենսինգտոնում գտնվող դեսպանատան շենքի պատշգամբից: Պատին արաբերեն կարգախոսներ են փակցվել, իսկ Ադրբեջանի դրոշը իջեցվել է։ Լրատվամիջոցը նշում է, որ ակցիան ղեկավարել է «Մահդիի ծառաների միություն» կոչվող խումբը․ սա շիա մահմեդական կազմակերպություն է, որը հիմնադրվել է Լոնդոնում: Խմբավորման որոշ անդամներ որպես դժգոհության պատճառ նշել են Ադրբեջանի կառավարության կողմից երկրում որոշ շիա մահմեդականների նկատմամբ «հալածանքները»: Հայտարարության մեջ խմբավորումը նշել է, որ իրենց առաջնորդը հրահանգել է «հրատապ գործողություններ ձեռնարկել Ադրբեջանի նախագահ Իլհամ Ալիևի դեմ»։
Metro-ն հիշեցնում է, որ ադրբեջանցիների ճնշող մեծամասնությունը շիա մահմեդականներ են, սակայն երկիրը հիմնականում աշխարհիկ է:
Դեպքի վայր են ժամանել ոստիկանության աշխատակիցներ։ 8 մարդ ձերբակալվել է օրինախախտման և գույքին վնաս պատճառելու կասկածանքով։ Տուժածներ չկան։ Դեռևս 2018-ին Լոնդոնում Իրանի դեսպանատունն էր նույն խմբավորման թիրախում հայտնվել:
Տաթև Ֆռանգյան
