15.12.2025 | 13:20
Իշխանությունը ԵՄ-ից գումարներ է «քերում» ընդդիմադիրներին պախարակելու համար. Գառնիկ Դանիելյան․ ՏԵՍԱՆՅՈՒԹ
Հացահատիկով բեռնված երեք նավ դուրս է եկել Օդեսայի նավահանգիստներից
Քաղաքականություն
05.08.2022 | 11:02
Օգոստոսի 5-ի առավոտյան Ուկրաինայի նավահանգիստներից շարժվել է ուկրաինական հացահատիկով բեռնված նավերի խումբը։ Այս մասին Facebook-ում հայտնել է Ուկրաինայի ենթակառուցվածքների նախարար Ալեքսանդր Կուբրակովը։
Նա պարզաբանել է, որ NAVI STAR, ROJEN և POLARNET երեք բեռնափոխադրող նավերը տեղափոխում են 57 հազար տոննա եգիպտացորեն, որն ուղարկվում է Թուրքիա, Մեծ Բրիտանիա և Իռլանդիա։
«Մենք հուսով ենք, որ ՄԱԿ-ի և Թուրքիայի մեր գործընկերների անվտանգության երաշխիքները կշարունակեն գործել, իսկ սննդամթերքի արտահանումը մեր նավահանգիստներից կդառնա կայուն և կանխատեսելի շուկայի բոլոր մասնակիցների համար»,- ասել է Ենթակառուցվածքների նախարարության ղեկավարը։
Կուբրակովը նշել է, որ Ուկրաինան նախատեսում է ապահովել նավահանգիստների թողունակությունն ամսական ավելի քան 100 նավ սպասարկելու համար։
Տաթև Ֆռանգյան
