19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
ՆԱՏՕ-ի 30 երկրներից 23-ը վավերացրել են դաշինքին Ֆինլանդիայի և Շվեդիայի անդամակցության փաստաթղթերը
Քաղաքականություն
04.08.2022 | 18:39
Մինչ օրս ՆԱՏՕ-ի 30 երկրներից 23-ը վավերացրել են դաշինքին Ֆինլանդիայի և Շվեդիայի անդամակցության փաստաթղթերը։ Այս մասին հայտարարել է դաշինքի գլխավոր քարտուղար Յենս Ստոլտենբերգը՝ ելույթ ունենալով Նորվեգիայում, գրում է Euronews-ը։
«Մի քանի ժամ առաջ ԱՄՆ Սենատը վավերացրել է անդամակցության արձանագրությունները: Այսպիսով, ՆԱՏՕ-ին Ֆինլանդիայի և Շվեդիայի անդամակցությունը վավերացրած դաշինքի անդամների թիվը հասել է 23-ի»,- ասել է նա։
Բացի այդ, դաշինքի որոշ անդամներ «մոտ են վավերացման իրենց ազգային ընթացակարգերի ավարտին», հավելել է Ստոլտենբերգը։
«Առայժմ սա ՆԱՏՕ-ի ժամանակակից պատմության մեջ ամենաարագ անդամակցության գործընթացն է»,- ասել է նա։
Ֆինլանդիան և Շվեդիան, Ուկրաինայում ռուսական հատուկ ռազմական գործողության ֆոնին, ՆԱՏՕ-ի գլխավոր քարտուղարին դաշինքին միանալու հայտ են ներկայացրել մայիսին։
Սկզբում Թուրքիան արգելափակել էր այդ դիմումների քննարկման մեկնարկը, բայց հետո՝ հունիսի 29-ին, Թուրքիան, Շվեդիան և Ֆինլանդիան ստորագրեցին անվտանգության հուշագիր, որը հաշվի է առնում Անկարայի բոլոր մտահոգությունները։ Թուրքիան հանել է Հյուսիսային Եվրոպայի երկու երկրների՝ ՆԱՏՕ-ին անդամակցության շուրջ առարկությունները։
Տաթև Ֆռանգյան
