08.06.2026 | 07:53
Ամփոփվել են 1596 ընտրատեղամասերից ստացված նախնական արդյունքները. ԿԸՀ
Եվրամիությունը մինչև սեպտեմբեր Ուկրաինային 8 միլիարդ եվրոյի չափով օգնության նոր փաթեթ է պատրաստում
Քաղաքականություն
04.08.2022 | 20:41
Եվրամիությունը մտադիր է մինչև սեպտեմբեր ձևավորել Ուկրաինային 8 միլիարդ եվրոյի չափով ֆինանսական օգնության նոր փաթեթ, հայտնում է The Irish Times-ը՝ հղում անելով Գերմանիայի կառավարությունում իր աղբյուրին։ Այդ տվյալների համաձայն՝ փաթեթի մի մասը բաղկացած կլինի դրամաշնորհներից, մյուս մասը՝ վարկերից։
Ավելի վաղ Եվրահանձնաժողովը հայտնել էր, որ ավարտել է 1 միլիարդ եվրոյի փոխանցումը Ուկրաինային՝ որպես մակրոֆինանսական վարկային աջակցություն։
ԵՄ խորհուրդը էկոնոմիկայի և ֆինանսների նախարարների մակարդակով հուլիսի 12-ին հաստատել է Կիևի վարկը։ Դեռևս մայիսի 18-ին Եվրահանձնաժողովը հայտարարել էր Ուկրաինայի համար 9 մլրդ եվրոյի չափով արտակարգ մակրոֆինանսական վարկավորման ծրագրի նախապատրաստման մասին:
Տաթև Ֆռանգյան
