20.11.2024 | 16:30
Հայտնաբերվել են ալկոհոլային խմիչքի ընդհատակյա արտադրամասեր
ՌԴ ԱԳՆ-ն հայտարարություն է տարածել Լեռնային Ղարաբաղում իրավիճակի վերաբերյալ
Քաղաքականություն
04.08.2022 | 16:46
ՌԴ ԱԳՆ հայտարարություն է տարածել Լեռնային Ղարաբաղում իրավիճակի վերաբերյալ։ Դրանում մասնավորապես ասվում է․
«Մենք մեր ծայրահեղ մտահոգությունն ենք հայտնում Լաչինի միջանցքի տարածքում և շփման գծի այլ հատվածներում լարվածության աճի կապակցությամբ։ Ցավոք, կան զոհեր։ Մեր խորին ցավակցությունն ենք հայտնում զոհվածների ընտանիքներին և մերձավորներին, իսկ վիրավորներին՝ շուտափույթ ապաքինում մաղթում։
Ռուս խաղաղապահները գործադրում են բոլոր ջանքերը տեղում իրավիճակը կայունացնելու համար։ Երկու կողմերի հետ ակտիվ աշխատանք է իրականացվում բոլոր ուղիներով և բոլոր մակարդակներով, ներառյալ՝ երկրի բարձրագույն ղեկավարության։ Ռուսաստանի Դաշնության արտաքին գործերի նախարար Սերգեյ Լավրովը սերտ կապի մեջ է իր ադրբեջանցի և հայ գործընկերների հետ։
Կոչ ենք անում կողմերին ցուցաբերել զսպվածություն և պահպանել հրադադարի ռեժիմը։ Մենք ելնում ենք այն բանից, որ առկա հակասությունների կարգավորումը պետք է իրականացվի բացառապես քաղաքական և դիվանագիտական ճանապարհով Ռուսաստանի, Ադրբեջանի և Հայաստանի ղեկավարների 2020 թ նոյեմբերի 9-ի հայտարարության դրույթների խիստ համապատասխանությամբ՝ հաշվի առնելով կողմերի դիրքորոշումները։
Համոզված ենք, որ կողմերի ջանքերը պետք է կենտրոնացվեն Բաքվի և Երևանի միջև հարաբերություններում դրական օրակարգ ձևավորելու վրա՝ առկա եռակողմ բանակցային ձևաչափերի շրջանակներում»,- ասված է ՌԴ ԱԳՆ հայտարարության մեջ։
Տաթև Ֆռանգյան
