27.02.2026 | 16:48
Ուկրաինան և ՌԴ-ն համաձայնության են եկել Զապորոժիեի ԱԷԿ-ի վերանորոգման համար տեղական հրադադարի շուրջ
ՌԴ-ում ուսուցչին դատապարտել են 5 տարվա պայմանական ազատազրկման աշակերտների հետ հակապատերազմական զրույցի համար
Քաղաքականություն
04.08.2022 | 17:21
Պենզայի դատարանը մանկավարժ Իրինա Գենին դատապարտել է 5 տարվա պայմանական ազատազրկման դասարանում հակապատերազմական զրույց վարելու մեղադրանքով։ Նրան նաև երեք տարով արգելվել է դասավանդել, գրում է BBC-ի ռուսական ծառայությունը։ Պենզայի օլիմպիական պահեստային դպրոցում աշխատող ուսուցչին ութերորդ դասարանցիները հարցրել էին, թե ինչու իրենց թույլ չի տվել Եվրոպա մրցման մեկնել։ Ի պատասխան՝ ուսուցիչը բացատրել է, որ Ռուսաստանը դարձել է «վտարված երկիր, քանի որ համաշխարհային հանրությունը զարմացած է, թե ինչպես կարող է քաղաքակիրթ աշխարհն իրեն այսպես պահել»։ Նա նաև ասել է, որ Ուկրաինան անկախ պետություն է, իսկ Ռուսաստանը ցանկանում է տապալել մեկ այլ երկրի իշխանությունը, ինչն անընդունելի է։
Աշակերտներից մեկը ձայնագրել է նրա խոսքերը, իսկ ձայնագրությունը հասել է ուժային կառույցներին, ինչից հետո ուսուցչուհու դեմ քրեական գործ էր հարուցվել «զինված ուժերի գործողությունների մասինկեղծիքի» համար։
Տաթև Ֆռանգյան
