09.10.2026 | 22:44
ԱԺ-ից հաստատում են՝ Civic-ին աշխատակազմն է տրամադրել հոկտեմբերի 6-ի միջադեպի կադրերը
Պեսկովը մեկնաբանել է Փաշինյանի հայտարարությունը Արցախում ռուս խաղաղապահների գործունեության հստակեցման մասին
Քաղաքականություն
04.08.2022 | 16:27
ՌԴ նախագահի մամուլի խոսնակ Դմիտրի Պեսկովն այսօր մեկնաբանել է ՀՀ վարչապետ Նիկոլ Փաշինյանի խոսքերը՝ Արցախում ռուս խաղաղապահների գործունեության հետ կապված։
«Կան եռակողմ փաստաթղթեր, որոնք հանդիսանում են գլխավոր ելակետը։ Գլխավորն է իրականացնել բոլոր պարտավորությունները, որոնք կողմերը վերցրել են այդ փաստաթղթերով։ Եթե կան հարցեր, իհարկե, դրանց պետք է պատասխանել։ Միաժամանակ, սերտ շփումները, որոնք հայկական կողմի հետ մենք ունենք տարբեր մակարդակներում, թույլ են տալիս պարզաբանել այն հարցերը, որոնք կան»,-Պեսկովի խոսքերն է մեջբերում Ռիա Նովոստին։
Ռուսաստանի ու Հայաստանի սերտ շփումները հնարավորություն են տալիս պարզաբանել Լեռնային Ղարաբաղում խաղաղապահների գործողության հարցերը, հայտարարել է Պեսկովը։
Հիշեցնենք՝ որ Արցախում վերջին օրերի լարվածության ֆոնին թե Երևանում, թե Արցախում պաշտոնական մակարդակով դժգոհություններ են հնչում ռուս խաղաղապահների գործողությունների կամ անգործության հետ կապված։
Էմմա Չոբանյան
