16.09.2026 | 15:53
FIA-ն ներկայացրել է Ֆորմուլա-1-ի օրացույցը 2027-ին. ԼՈՒՍԱՆԿԱՐ
Եղիշե Չարենցի դիմանկարը նվեր՝ գրողի տուն-թանգարանին
Մշակույթ
04.08.2022 | 18:06
Եղիշե Չարենցի 125-ամյակի առթիվ տուն-թանգարանին կնվիրաբերվի բանաստեղծի՝ Հայաստանի ժողովրդական նկարիչ Հրաչյա Ռուխկյանի վրձնին պատկանող դիմանկարը․ տեղեկացնում են ՀՀ ԿԳՄՍՆ-ից։
Կտավը պահվում էր մասնավոր հավաքածուներում և հանվել էր վաճառքի։ Այն ձեռք է բերել պետերբուրգաբնակ բարերար Հրաչյա Պողոսյանը և հանդիսավոր արարողությամբ կնվիրի տուն-թանգարանին:
Հանդիսավոր միջոցառման մեկնարկը կտրվի օգոստոսի 5-ին` ժամը 15։00-ին, Եղիշե Չարենցի հուշարձանի մոտ (Օղակաձև զբոսայգում` Ռադիոտան դիմաց)։ Մայր Աթոռ Սուրբ Էջմիածնի եկեղեցական հայեցակարգային գրասենյակի տնօրեն, Գերաշնորհ Տեր Վազգեն եպիսկոպոս Միրզախանյանը կկատարի հոգեհանգստի աղոթք՝ ի հիշատակ Եղիշե Չարենցի։ Միջոցառման մասնակիցները ծաղիկներ կխոնարհեն մեծ բանաստեղծի հուշարձանին, որտեղ կլինի պատվո պահակախումբ։
Ժամը 16։00-ին Չարենցի տուն-թանգարանում տեղի կունենա Եղիշե Չարենցի դիմանկարի հանդիսավոր հանձնումը։ Հեղինակը՝ Հրաչյա Ռուխկյանը, Չարենցի դիմանկարը ստեղծել է 1978 թ.-ին: Նա առավելապես հայտնի է որպես Սայաթ-Նովայի դիմանկարի հեղինակ:
