09.10.2026 | 15:02
Հայտնի է «եկեղեցու շուրջ ճգնաժամն» ուսումնասիրող քննիչ հանձնաժողովի կազմը
Ռուսաստանի զորքերը փորձում են պաշտպանել կամուրջները․ Մեծ Բրիտանիայի հետախուզություն
Քաղաքականություն
04.08.2022 | 16:59
Մեծ Բրիտանիայի պաշտպանության նախարարությունը հրապարակել է Ուկրաինայում տիրող իրավիճակի ամենօրյա վերլուծությունը, գրում է BBC-ի ռուսական ծառայությունը։
Նշվում է, որ ռուսական ուժերը հավանաբար բրգաձև ռադիոլոկացիոն արտացոլիչներ են տեղադրել վերջերս վնասված Անտոնովի կամրջի ու Ռուսաստանի կողմից վերահսկվող Խերսոնում Դնեպրով անցնող երկաթուղային կամրջի մոտ։ Ըստ բրիտանական հետախուզության ՝ դրանք օգտագործվում են ռադարներից կամուրջները թաքցնելու, հրթիռների թիրախավորումը դժվարացնելու համար:
Սա ընդգծում է այն վտանգը, որը Ռուսաստանը զգում է արևմտյան համակարգերի հեռահարության և ճշգրտության մեծացման պատճառով։ Ըստ ափոփագրի՝ քանի որ Ուկրաինան ստացել է ամերիկյան HIMARS բազմակի հրթիռային համակարգը, որը թույլ է տվել հարվածներ հասցնել ավելի մեծ հեռավորությունների վրա, Ուկրաինայի զինված ուժերը ռմբակոծում են ռուսական բազաները և մատակարարման կարևոր կետերը, բացի այդ՝ նաև գրավյալ տարածքների կամուրջները: Բրիտանական հետախուզության տվյալներով՝ Ուկրաինան շարունակելու է այդ հարվածները։
Էմմա Չոբանյան
