09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Լատվիայի պաշտպանության նախարարն Ադրբեջանի լոբբի՞ստն է դարձել
Քաղաքականություն
04.08.2022 | 14:53
Լատվիայի փոխվարչապետ, պաշտպանության նախարար Արտիս Պաբրիկսը իր թվիթերյան պաշտոնական էջում բավական տարակուսելի վարքագիծ է դրսևորում՝ կապված Ադրբեջանի զինված ուժերի՝ Արցախի դիրքերի ուղղությամբ հարձակման հետ։ Մասնավորապես, լատվիացի բարձրաստիճան պաշտոնյան իր էջում կիսվել է մի շարք գրառումներով, որոնք միակողմանի են, բացահայտ ներկայացնում են ադրբեջանական կողմի դիրքորոշումը և արդարացնում Բաքվի ագրեսիան։
Պաբրիկսն իր էջում ներկայացնում է Բաքվի կողմից վճարվող ամերիկացի փորձագետ Լյուկ Քոֆֆի թվիթերյան գրառումը, որտեղ նաև տեսանյութ է հրապարակել, թե ինչպես է ադրբեջանական ԱԹՍ-ն հարվածում Արցախի ՊԲ դիրքերին։
Ի դեպ, Ադրբեջանի ՊՆ-ն ինքն է հայտարարել է, որ ագրեսիա է իրականացրել Արցախի նկատմամբ՝ հարձակում գործելով։
Հավելենք, որ Պաբրիկսն այս տարի ապրիլին այցելել էր նաև Արցախի գրավյալ հայկական Շուշի քաղաք, այնտեղ մասնակցել լատվիացի մի նկարչուհու աշխատանքների ցուցահանդեսին։
Ակնհայտորեն, Պաբրիկսը զբաղվում է ադրբեջանական քարոզչությամբ ու լոբբինգով՝ չնայած զբաղեցրած բարձր պաշտոններին։
Էմմա Չոբանյան
