Կարեն Գիլոյանն ընդունել է Եվրոպական համալսարանական խաղերում մեդալներ նվաճած մարզիկներին

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը հյուրընկալել է Եվրոպական համալսարանական խաղերում մեդալներ նվաճած հայ մարզիկներին․ տեղեկացնում են ՀՀ ԿԳՄՍՆ-ից։

«Հիշեցնենք՝ Լեհաստանի Լոձ քաղաքում անցկացված Եվրոպական համալսարանական 6-րդ խաղերում Հայաստանը 1 ոսկե և 1 բրոնզե մեդալ էր նվաճել:

Խաղերի չեմպիոնի կոչումը նվաճել էր Երևանի պետական բժշկական համալսարանի ուսանող Դավիթ Մակյանը՝ կարատե մարզաձևի կումիտե մրցակարգի մինչև 75 կգ քաշային կարգում դառնալով ոսկե մեդալակիր։ Հայաստանի ֆիզիկական կուլտուրայի և սպորտի պետական ինստիտուտի ուսանող Գևորգ Բեգլարյանն էլ երրորդ տեղն էր զբաղեցրել և բրոնզե մեդալ էր նվաճել պարա սեղանի թենիս մարզաձևում:

Բացի մեդալակիր մարզիկներից՝ հանդիպմանը ներկա են եղել նաև նրանց անձնական մարզիչները՝ Արման Մակյանն ու Մեսրոպ Ղուկասյանը:

ԿԳՄՍ նախարարի տեղակալը շնորհավորել է մարզիկներին բարձր արդյունքների կապակցությամբ՝ նրանց մաղթելով հետագա հաջողություններ. «Շնորհակալ եմ լավ մասնակցության համար: Շնորհավորում եմ: Պետք է փորձենք հաջորդ խաղերի համար ավելի մեծ պատվիրակություն ուղարկել, և այս մրցումները ևս ներառել մեր օրացուցային պլանում: Գիտեմ, որ Հայաստանին է վստահվել 2025 թվականի Եվրոպայի շախմատի համալսարանական առաջնության անցկացումը: Ամեն ինչ կանենք՝ այն բարձր մակարդակով կազմակերպելու և անցկացնելու համար, իսկ մինչ այդ կապահովենք մեր թիմերի մասնակցությունը հաջորդ տարի կայանալիք Եվրոպական խաղերին»:

Եվրոպական համալսարանական խաղերի մասնակիցները փաստել են՝ մրցումներն անցկացվել են շատ բարձր մակարդակով:

«Իսկապես շատ մեծամասշտաբ և լուրջ մրցումներ էին: Մեզ համար էլ էր ինչ-որ առումով անսպասելի: Ամեն դեպքում, 6 մարզիկով 2 մեդալ նվաճեցինք, ինչը կարծում եմ՝ լավ արդյունք է»,- ասել է Դավիթ Մակյանի անձնական մարզիչ Արման Մակյանը:

Եվրոպական համալսարանական խաղերի ոսկե մեդալակիր Դավիթ Մակյանը 5 տարեկանից զբաղվում է սպորտով, Եվրոպայի երիտասարդների առաջնության բրոնզե մեդալակիր է, Հայաստանի մեծահասակների հավաքականի կազմում ևս մասնակցել է Եվրոպայի առաջնության և զբաղեցրել 7-րդ հորիզոնականը: Այդուհանդերձ, ուսանողական մակարդակում սա նրա առաջին մրցումն էր:

«Խաղերին մասնակցում էին տարբեր երկրների ազգային հավաքականների մարզիկներ, որոնց հետ մրցակցել էինք Եվրոպայի կամ աշխարհի առաջնությունների ժամանակ: Անցկացրել եմ 5 բավականին բարդ մենամարտեր: Ուրախ եմ, որ կարողացա հաղթող դառնալ և ցույց տալ այն ամբողջ աշխատանքի արդյունքը, որ մինչ այս կատարել էի»,- նշում է Դավիթ Մակյանը:

Մակյանը ԵՊԲՀ 5-րդ կուրսի ուսանող է, ասում է, որ մեծ ցանկության դեպքում միանգամայն իրատեսական է ուսումն ու սպորտը համատեղելը. «Ամեն ինչ հնարավոր է, պարզապես ցանկություն է պետք: Բժշկական կրթությունն էլ հնարավորություն է տալիս ավելի լավ ճանաչելու քո օրգանիզմը և գիտականորեն պարապելու»:

Հայաստանի ֆիզիկական կուլտուրայի և սպորտի պետական ինստիտուտի ուսանող Գևորգ Բեգլարյանը ևս առաջին անգամ է համալսարանական նմանօրինակ մեծամասշտաբ մրցման մասնակցել:

«Շատ տպավորված եմ ինչպես իմ առաջին մասնակցության, այնպես էլ եվրոպական մրցասպարեզում առաջին մեդալը նվաճելու կապակցությամբ: Շատ ուրախ եմ: 5 խաղ անցկացրեցի, տարա 3 հաղթանակ ու կրեցի 2 պարտություն: Կարող էի նաև առաջին կամ երկրորդ տեղերին հավակնել, բայց մի փոքր լարված էի, ու դա ինձ խանգարեց»,- պատմում է Գևորգ Բեգլարյանը:

Գևորգ Բեգլարյանը Հայաստանի բազմակի չեմպիոն է, Հայաստանի պարա սեղանի թենիսի հավաքականի անդամ, 2018 թվականի Եվրոպայի առաջնությանն էլ զբաղեցրել է 8-րդ տեղը:

Հիշեցնենք՝ Եվրոպական համալսարանական խաղերին այս տարի 38 եվրոպական երկրների 450 համալսարանների 5000 պատվիրակներ են մասնակցել, իսկ մրցումներն անցկացվել են 20 մարզաձևերից»,- ասված է հաղորդագրությունում։