19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
Չինաստանը շարունակում է «աննախադեպ» զորավարժությունները
Քաղաքականություն
04.08.2022 | 12:54
Չինաստանի Ժողովրդական ազատագրական բանակը (PLA) շարունակում է «աննախադեպ» զորավարժությունները Թայվանի շուրջ, որոնք սկսվել են օգոստոսի 2-ին՝ կապված ԱՄՆ Ներկայացուցիչների պալատի խոսնակ Նենսի Փելոսիի` կղզի ժամանելու հետ։ Այս մասին հաղորդում է Global Times-ը։
Չորեքշաբթի՝ օգոստոսի 3-ին, չինացի զինվորականները վարժանքներ են անցկացրել՝ օգտագործելով նորագույն զինատեսակներ, այդ թվում՝ J-20 կործանիչներ և DF-17 հիպերձայնային հրթիռներ:
Չինական բանակը նաև կիրականացնի «կարևոր ուսումնական գործողություններ» վեց հիմնական ծովային տարածքներում և Թայվանին հարող օդային տարածքում:
Զորավարժություններն աննախադեպ են, քանի որ ակնկալվում է, որ Չինաստանի ժողովրդական ազատագրական բանակի հրթիռներն առաջին անգամ կթռչեն Թայվան կղզու վրայով, բանակային ուժերը կմտնեն տարածք կղզուց 12 ծովային մղոն հեռավորության վրա և, այսպես կոչված, միջին գիծը կդադարի գոյություն ունենալ:
Ըստ նրանց՝ շրջափակելով Թայվանը՝ չինական բանակը «ամբողջովին շրջափակում է կղզին, ցուցադրում է բացարձակ վերահսկողություն մայրցամաքային Չինաստանի նկատմամբ» և «փորձարկում է Թայվանի հարցը լուծելու ապագա ռազմական ծրագիրը»։
«Առաջին անգամ է, որ PLA-ն հեռահար մարտական հրետանի կարձակի Թայվանի նեղուցով»,- ընդգծվում է հոդվածում։
Հիշեցնենք, որ Փելոսիի այցը Թայվան բացասական արձագանք է առաջացրել Չինաստանի կողմից, որը կղզին իր տարածքն է համարում։
Տաթև Ֆռանգյան
