20.11.2024 | 18:30
Կարինե Քոչարը՝ Ռուբեն Քոչարի մեղադրանքների մասին
Ադրբեջանցիներին ասում ենք՝ հատե՛ք ՀՀ սահմանը, գնացե՛ք Նախիջևան․ մենք կապահովենք անվտանգությունը․ Փաշինյան․ ՏԵՍԱՆՅՈՒԹ
Քաղաքականություն
04.08.2022 | 11:57
«Ադրբեջանը հայտարարում է, թե Հայաստանը պարտավորվել է Ադրբեջանի արևմտյան շրջանի և Նախիջևանի միջև կապը ապահովել: Այո, մենք այս ընթացքում այսօր էլ պատրաստ ենք այդ կապն ապահովել»,- այս մասին, այսօր՝ օգոստոսի 4-ին, Կառավարության նիստում հայտարարեց վարչապետ Նիկոլ Փաշինյանը:
«Ադրբեջանն է, որ չի օգտվում մեր ընձեռած հնարավորություններից: Մենք այսօր էլ ասում ենք, որ ՀՀ օրենսդրությամբ սահմանված կարգով, ինչպես կարգն է, եկեք հատեք Հայաստանի սահմանը և գնացեք Ադրբեջան: Մենք նաև դեռևս նախորդ տարվանից ունենք մաքսային ծառայության կետ և սահմանային ծառայության կետ, և մենք ասել ենք Ադրբեջանին, որ ցանկացած պահի այդ կետերը կարող են հատել և կապ հաստատել Նախիջևանի հետ:
Ինչ վերաբերում է նոր կառուցվող ճանապարհներին, եռակողմ հայտարարության մեջ հստակ ընգծված է, որ դա պետք է տեղի ունենա կողմերի համաձայնությամբ: Մենք ասում ենք, որ այդ ճանապարհների երթուղու հարցը քննարկելը համարում ենք երկրորդ հարցը, առաջինը իրավական ընթացակարգերի ամրագրումն ու գործարկումն է:
Պաշտոնապես ասում եմ՝ Ադրբեջանն այսօր մի քանի կետերով կարող է հատել Հայաստանի սահմանը և երթևեկել մինչև Նախիջևան:
Եթե բառացի ու տառացի մեկնաբանենք, նշված է, որ մենք պետք է ապահովենք Ադրբեջանի արևմտյան շրջանների կապը Նախիջևանի հետ: Ադրբեջանի ամենաարևմտյան շրրջանը Ղազախի շրջանն է, մենք պատրաստ ենք, թող գան, հատեն, գնան Նախիջևան: Մենք երաշխավարում ենք անվտանգությունը ՀՀ օրենսդրությամբ սահմանված կարգով: Մենք դա կարող ենք ապահովել նաև Վարդենիսի հատվածում, Սիսիանի հատվածում, Երասխի հատվածում, Գորիսի հատվածում: Այս ընթացքում Ադրբեջանը չի էլ փորձել օգտվել դրանից»,- նշեց Փաշինյանը:
Մանրամասները՝ տեսանյութում:
