18.05.2026 | 12:54
«Նիկոլ, քեզ ջրելու ենք»․ դիմակավոր անձինք սպառնում են Փաշինյանին, նա արձագանքում է կոշտ բառապաշարով․ ՏԵՍԱՆՅՈՒԹ
Կիևը ուղիղ երկխոսություն է փնտրում Չինաստանի առաջնորդի հետ․ Զելենսկի
Քաղաքականություն
04.08.2022 | 13:53
Ուկրաինայի նախագահ Վլադիմիր Զելենսկին South China Morning Post-ին տված հարցազրույցում ասել է, որ Ուկրաինան հնարավորություններ է փնտրում ուղիղ զրուցելու Չինաստանի նախագահ Սի Ցզինպինի հետ՝ պատերազմը դադարեցնելու համար, գրում է BBC-ի ռուսական ծառայությունը։
«Ես կցանկանայի ուղիղ խոսել: Ես մեկ զրույց եմ ունեցել Սի Ցզինպինի հետ, դա եղել է մեկ տարի առաջ։ Փետրվարի 24-ի լայնածավալ ագրեսիայի սկզբից մենք պաշտոնապես խնդրել ենք զրույց, բայց Չինաստանի հետ որևէ խոսակցություն չենք ունեցել, թեև կարծում եմ, որ դա օգտակար կլինի», – ասել է նա:
Զելենսկին կոչ է արել Չինաստանին օգտագործել իր հսկայական քաղաքական և տնտեսական ազդեցությունը Ռուսաստանի վրա՝ դադարեցնելու մարտերը։
Պարբերականը նշում է, որ սա Ուկրաինայի նախագահի առաջին հարցազրույցն է ասիական լրատվամիջոցներին ռուսական ներխուժման սկզբից ի վեր։ Չինացի լրագրողները Զելենսկիին զանգահարել են Zoom-ի միջոցով, զրույցը տևել է 40 րոպե։
Տաթև Ֆռանգյան
