09.10.2026 | 17:08
Պուտինը, Ալիևն ու Փեզեշքիանը Թուրքմենստանում եռակողմ հանդիպում են անցկացրել
ԵՄ-ն Թայվանի շուրջ երկխոսության կոչ է անում
Քաղաքականություն
03.08.2022 | 16:50
Եվրամիությունը երկխոսության կոչ է արել ԱՄՆ Ներկայացուցիչների պալատի խոսնակ Նենսի Փելոսիի՝ Թայվան կատարած այցի հետ կապված լարվածությունից խուսափելու համար։ Այս մասին հայտնում է korrespondent-ը։
Նշվում է, որ ԵՄ-ն շահագրգռված է Թայվանի նեղուցում խաղաղության և ստատուս քվոյի պահպանմամբ։
«Լարվածությունը պետք է կարգավորվի երկխոսության միջոցով, պետք է պահպանվեն հաղորդակցության համապատասխան ուղիները՝ սխալ հաշվարկների վտանգը նվազեցնելու համար»,- ասել է ԵՄ-ն։
Եվրահանձնաժողովի խոսնակն ասել է, որ ԵՄ-ն ունի «մեկ Չինաստանի հստակ քաղաքականություն»՝ ճանաչելով Չինաստանի Ժողովրդական Հանրապետության կառավարությունը որպես Չինաստանի միակ օրինական կառավարություն և շարունակելով «բարեկամական հարաբերություններ և սերտ համագործակցություն Թայվանի հետ»։
Հիշեցնենք, որ Նենսի Փելոսիի ինքնաթիռը վայրէջք է կատարել Թայբեյի Սոնգշան օդանավակայանում երեքշաբթի՝ օգոստոսի 2-ին։
Փելոսիի Թայվան կատարած այցը մեկնաբանել են Չինաստանի և ԱՄՆ-ի ղեկավարները։ Վաշինգտոնը պնդում է, որ աջակցում է «մեկ Չինաստանի» քաղաքականությանը, մինչդեռ Պեկինը վերջին իրադարձություններն անվանում է «սադրանք»։
Տաթև Ֆռանգյան
