16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
ՌԴ ԱԳՆ-ն հայտարարել է, որ արևմտյան երկրների հետ Ռուսաստանի «կառուցողական փոխգործակցության դարաշրջանն անդառնալիորեն ավարտվել է»
Քաղաքականություն
03.08.2022 | 15:35
Արևմտյան երկրների հետ Ռուսաստանի կառուցողական փոխգործակցության դարաշրջանն անդառնալիորեն ավարտվել է՝ անկախ Ուկրաինայում «հատուկ գործողության» արդյունքից։ Այս մասին ասվում է ՌԴ ԱԳՆ արտաքին քաղաքականության պլանավորման դեպարտամենտի տնօրեն Ալեքսեյ Դրոբինինի հոդվածում, որը չորեքշաբթի հրապարակվել է International Affairs ամսագրի կայքում, փոխանցում է ՏԱՍՍ-ը։
«Անկախ Ռուսաստանի Դաշնության կողմից Ուկրաինայում հատուկ ռազմական գործողության տևողությունից և արդյունքից՝ արդեն կարելի է փաստել, որ Արևմուտքի հետ, ընդհանուր առմամբ, կառուցողական, թեև ոչ խնդրահարույց համագործակցության երեսունամյա դարաշրջանն անդառնալիորեն ավարտվել է»,- ասել է Դրոբինինը։
Դիվանագետը նշել է, որ իր կարծիքով՝ ներկայում ՌԴ-ի համար հնարավորություն է ստեղծվել վերջնականապես ձերբազատվել պատրանքներից և դուրս գալ «բարեկամական կլանման պարադիգմայի շրջանակներից»:
«Հասկանալի է, որ մինչև փետրվարի 24-ն իրավիճակին վերադարձ չի լինի Հյուսիսային Ամերիկայի և Եվրոպայի երկրների հետ հարաբերություններում»,- հավելել է դիվանագետը։
Տաթև Ֆռանգյան
