18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մենք չենք թողնի Թայվանը․ Նենսի Փելոսի
Քաղաքականություն
03.08.2022 | 15:11
ԱՄՆ Ներկայացուցիչների պալատի նախագահ Նենսի Փելոսին Կոնգրեսի պատվիրակության հետ միասին ժամանել է ինքնակառավարվող կղզի՝ Թայվան, ինչն առաջացրել է Պեկինի վրդովմունքը, գրում է VOA-ն։
Փելոսին չորեքշաբթի ասել է, որ ԱՄՆ օրենսդիրների պատվիրակությունը եկել է Թայվան՝ «հասկացնելու համար, որ մենք չենք հեռանալու Թայվանից»։
«Այժմ, առավել քան երբևէ, Թայվանի հետ Ամերիկայի համերաշխությունը կարևոր է, և դա այն ուղերձն է, որով մենք բերել ենք այստեղ»,- ասել է Փելոսին:
Չինաստանն ինքնավար կղզին համարում է իր տարածքի մի մասը և խիստ դժգոհություն է հայտնել Փելոսիի այցի կապակցությամբ՝ զգուշացնելով, որ դա կլինի իր ինքնիշխանության անընդունելի խախտումը։
Փելոսիի ժամանումից անմիջապես հետո Չինաստանը կանչել է ԱՄՆ դեսպանին և հայտարարել Թայվանի մոտ զորավարժությունների մեկնարկի մասին, ներառյալ՝ «հեռահար հրթիռների արձակումը» Թայվանի նեղուցում, որը կղզին բաժանում է մայրցամաքային Չինաստանից:
Տաթև Ֆռանգյան
