06.11.2024 | 12:50
Դեսպան Լիլիթ Մակունցն ընտրությունների օրն այցելել է Վաշինգտոնի և Վիրջինիա նահանգի ընտրատեղամասեր
ԱՄՆ Սենատը կքվեարկի ՆԱՏՕ-ին Ֆինլանդիայի և Շվեդիայի միանալու հարցի շուրջ
Քաղաքականություն
03.08.2022 | 15:53
ԱՄՆ Սենատը պատրաստվում է վավերացնել ՆԱՏՕ-ին Ֆինլանդիայի և Շվեդիայի անդամակցությունը, ինչը կարևոր քայլ է արևմտյան դաշինքի արագ ընդլայնման ուղղությամբ և ԱՄՆ-ի աջակցության ցուցադրությունը Ուկրաինայի դեմ Ռուսաստանի պատերազմին, գրում է VOA-ն:
Սենատորները երկու երկրների դեսպաններին հրավիրել են՝ ականատես լինելու պատմական բանավեճին և քվեարկությանը, որը նոր դարաշրջան կբացի Հյուսիսատլանտյան դաշինքում:
Նախագահ Ջո Բայդենը հանդես է եկել սկանդինավյան երկու երկրների՝ դաշինքին արագ անդամակցելու օգտին, որոնք նախկինում ռազմական դաշինքների անդամ չեն եղել: Վավերացման բանաձևը Կոնգրեսում ստացել է երկկողմանի աջակցություն։
«ՆԱՏՕ-ի մեր դաշինքն այն հիմքն է, որը երաշխավորում է ժողովրդավարությունը Արևմտյան աշխարհում Երկրորդ համաշխարհային պատերազմի ավարտից հետո»,- ասել է Սենատի դեմոկրատական մեծամասնության առաջնորդ Չաք Շումերը։
Նրա խոսքով՝ ինքն ու հանրապետականների առաջնորդ Միթչ Մաքքոնելը պարտավորվել են, որ Սենատը կհաստատի վավերացման բանաձևը «որքան հնարավոր է շուտ», որպեսզի ամրապնդի դաշինքը ռուսական վերջին ագրեսիայի լույսի ներքո:
Բայդենը հուլիսին արձանագրություններն ուղարկել է Սենատ՝ ստուգման համար՝ սկսելով անսովոր արագ գործընթաց սովորաբար դանդաղ ընթացք ունեցող Կոնգրեսում:
Տաթև Ֆռանգյան
