08.07.2026 | 23:00
ՀԷՑ-ում 7-8 մլրդ դրամի ապրանք կար, որ գնել էին, բայց ՀԷՑ-ի կարիքների համար պիտանի չէին․ Պետրոսյան. ՏԵՍԱՆՅՈՒԹ
Ադրբեջանի ՊՆ-ն հայտնում է Լաչինի շրջանում զինծառայողի կորստի մասին
Քաղաքականություն
03.08.2022 | 12:28
Ադրբեջանի ՊՆ-ն հայտնում է զինված ուժերում կորստի մասին, գրում են տեղական լրատվամիջոցները։ Ըստ տեղական լրատվամիջոցների՝ այսօր առավոտյան Արցախի ՊԲ -ն, իբր, ինտենսիվ կրակ է բացել Լաչինի շրջանում ադրբեջանական բանակի ստորաբաժանումների ուղղությամբ։
«Ստացած հրազենային վիրավորումից մահացել է զինծառայող Անար Ռուստամ օղլու Քյազիմովը»,-ասվում է հաղորդագրության մեջ։
Հիշեցնենք, որ ըստ ԱՀ ՊՆ-ի՝ օգոստոսի 1-ին Ադրբեջանի ԶՈՒ-ը Արցախի հյուսիսային ու հյուսիս-արևմտյան սահմանագոտու մի շարք հատվածներում դիմել էին սադրանքի՝ կատարելով շփման գիծը հատելու փորձեր, որոնք կասեցվել էին ՊԲ ստորաբաժանումների ուժերով։
Արցախի ՊԲ-ի վերջին հաղորդագրության համաձայն՝ լարվածությունը շփման գծի որոշ հատվածներում շարունակում է պահպանվել: «Իրավիճակի լիցքաթափման և հետագա սրացումներ թույլ չտալու ուղղությամբ քայլերը Հանրապետության ղեկավարության, ՊԲ հրամանատարության և ռուսական խաղաղապահ զորակազմի կողմից շարունակվում են»,-ասվում է հաղորդագրության մեջ։
Էմմա Չոբանյան
