19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
Փելոսիի ինքնաթիռը վայրէջք է կատարել Թայվանում՝ չնայած Չինաստանի սպառնալիքներին
Քաղաքականություն
02.08.2022 | 19:11
ԱՄՆ Ներկայացուցիչների պալատի խոսնակ Նենսի Փելոսին, անտեսելով Չինաստանի սպառնալիքները և նախագահ Բայդենի վարչակազմի խորհուրդները, ժամանել է Թայվան։ 25 տարվա ընթացքում սա Ներկայացուցիչների պալատի խոսնակի նման առաջին այցն է, գրում է taiwannews-ը։
Նշվում է, որ տեղական ժամանակով 22:44-ին Փելոսին և նրան ուղեկցող պատվիրակությունը ժամանել են Սոնգշան օդանավակայան՝ ԱՄՆ ռազմաօդային ուժերի Boeing C-40C ինքնաթիռով։
Հավելենք, որ Չինաստանի իշխանությունները բազմիցս էին արտահայտել իրենց դժգոհությունը Փելոսիի այցի կապակցոությամբ՝ նշելով, որ այն լրջագույն հետևանքներ կունենա։
Չինաստանի ՊՆ խոսնակ Թան Քեֆեյն ընդգծել է, որ ԱՄՆ Ներկայացուցիչների պալատի խոսնակի այցը կղզի կխախտի «մեկ Չինաստան» սկզբունքը, կվնասի ռազմական ոլորտում հարաբերություններին և կհանգեցնի իրավիճակի սրման։ Նրա խոսքով՝ «չինական բանակը ձեռքերը ծալած չի դիտի այս ամենին և անպայման կձեռնարկի բոլոր միջոցները՝ արտաքին միջամտությունը դադարեցնելու համար»։
Էմմա Չոբանյան
