19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
Ուկրաինական պարենով առաջին նավն այսօր երեկոյան ապահով կհասնի Ստամբուլ․ Reuters
Քաղաքականություն
02.08.2022 | 18:58
Ուկրաինական հացահատիկը համաշխարհային շուկաներ տեղափոխող առաջին նավն այսօր ուշ երեկոյան ապահով կհասնի Ստամբուլ՝ չնայած Կիևի մտահոգություններին։ Այս մասին հայտարարել են Թուրքիայում, գրում է Reuters գործակալությունը։
Օզջան Ալթունբուդակը, որը նորաստեղծ համակարգման կենտրոնի Թուրքիայի ներկայացուցիչն է, ասել է, որ Razoni նավը Սիերա Լեոնեի դրոշով երեկոյան արդեն Ստամբուլում կլինի։ Նա նշել է, որ եղանակային վատ պայմանների պատճառով նավը փոքր-ինչ ուշանում է։ 26,527 տոննա եգիպտացորեն տեղափոխող նավը Ստամբուլ պետք է հասներ տեղական ժամանակով կեսգիշերին։
Նշվում է, որ ժամանելուն պես այն ստուգելու են ՌԴ-ի, Թուրքիայի և ՄԱԿ-ի ներկայացուցիչները՝ համաձայն անվտանգ անցման համաձայնագրի, որից հետո նավը կշարունակի ուղևորությունը Լիբանանի Տրիպոլի նավահանգիստ՝ վերջնակետը։
Հիշեցնենք, որ եգիպտացորենով բեռնված նավը նախօրեին էր դուրս եկել Օդեսայի նավահանգստից։
Հավելենք, որ հուլիսի 22-ին Ստամբուլում ՌԴ-ի, Թուքիայի, Ուկրաինայի և ՄԱԿ-ի ներկայացուցիչների միջև ստորագրվել էր ուկրաինական հացահատիկի արտահանման մասին համաձայնագիրը, ավելի ուշ աշխատանքները սկսել էր համակարգման միասնական կենտրոնը։
Էմմա Չոբանյան
