16.09.2026 | 12:19
ԱՄՆ Ներկայացուցիչների պալատը երրորդ անգամ Իրանի պատերազմը դադարեցնելու օգտին է քվեարկել
G7 երկրները մտածում են ռուսական նավթի փոխադրման ամբողջական արգելքի մասին
Քաղաքականություն
02.08.2022 | 20:12
«Մեծ յոթնյակի» (G7) երկրները ցանկանում են ամբողջությամբ արգելել այն ծառայությունները, որոնք թույլ են տալիս փոխադրել ռուսական նավթը և նավթամթերքը։ Այս մասին ասվում է կազմակերպության կոմյունիկեում, գրում է Lenta-ն։
Հստակեցվում է, որ ռուսական նավթի ամբողջական արգելք կարող է մտցվել, եթե դրա արժեքը չհամաձայնեցվի միջազգային գործընկերների կողմից։
Ավելի վաղ «Մեծ յոթնյակի» երկրները որոշել էին ռուսական նավթի գնային առաստաղի սահմանման ժամկետը. մեխանիզմը նախատեսվում է ներդնել մինչև դեկտեմբերի 5-ը։
Միաժամանակ, պետք է ուժի մեջ մտնեն ռուսական նավթի ներմուծման սահմանափակումները, որոնք նախանշել է Եվրամիությունը։ Այն, որ գների վերին շեմը կարող է սահմանվել մինչև դեկտեմբեր, հայտարարել էր Վաշինգտոնը։
Մինչ այդ, ռուսական նավթի արժեքը կտրուկ անկում է ապրել։ Ռուսական Urals տեսակի նավթի միջին գինը հուլիսին նվազել է՝ հասնելով մինչև 78,41 դոլար մեկ բարելի դիմաց, ինչը 10,1 տոկոսով ցածր է հունիսի համեմատ։ Ընդհանուր առմամբ, հունվարից հուլիսը ներառյալ, ռուսական հումքի միջին արժեքը մեկ բարելի դիմաց կազմել է 83,27 դոլար, իսկ 2021 թվականի նույն ժամանակահատվածում՝ 64,68 դոլար։
Տաթև Ֆռանգյան
