29.10.2026 | 15:55
Հայաստանում սպասվում են անձրևներ և ամպրոպ․ հոկտեմբերի 30-ին տեղումները որոշ շրջաններում հորդառատ կլինեն
Տապալվել է 600 մլն դրամով Անկախության օրը նշելու գնման գործընթացը. մասնակիցը 0 միավոր է ստացել
02.08.2022 | 15:22
Հայաստանի Անկախության 31-ամյակին նվիրված տոնակատարության գնման գործընթացը տապալվել է։ Այս մասին Factor.am-ը տեղեկանում է խմբագրության տրամադրության տակ հայտնված փաստաթղթերից։ Ավելի վաղը Factor.am-ը հայտնել էր, որ ՀՀ կառավարությունը Անկախության օրվա միջոցառումների համար 600 մլն դրամի շրջանակներում ծառայությունների ձեռքբերման մրցույթ է հայտարարել։ Մրցույթին մասնակցել և 2-րդ փուլ էր անցել հինգ ընկերություն։
Այժմ տեղեկանում ենք, որ 2-րդ փուլ անցած ընկերություններից միայն « Ֆակտորի փրադաքշն ՍՊԸ»-ն է ծառայությունների մատուցման ծրագիր ներկայացրել։ Առաջարկը գործընթացն իրականացնող հանձնաժողովի կողմից գնահատվել է 0 միավոր, և որոշվել է ընկերության հայտը մերժել ու գնման գործընթացը համարել չկայացած։
Կառավարական հանձնաժողովում ընդգրկված բարձրաստիճան պաշտոնյաներից մեկը Factor.am-ին տեղեկացրեց, որ առաջիկայում նոր մրցույթ է հայտարարվելու։
Նախորդ հրապարակմամբ տեղեկացրել էինք, որ կառավարությունը ցանկանում է 600 մլն դրամով Անկախության 31 ամյակը նշել, ընդ որում՝ գումարի մեջ ներառված չեն երգիչների հոնորարները։ Հիշեցնենք, որ ծառայության ձեռք բերման հայտնում նշված էր, որ միջոցառմանը ելույթ են ունենալու Հայկ Ղևոնդյանը` Սպիտակցի Հայկոն և դաշնակահար Վահագն Հայրապետյանը։ Նրանք ևս այս տեղեկությունը հաստատել էին։
Նարեկ Կիրակոսյան
