16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Կալիֆոռնիայի նահանգապետն արտակարգ դրություն է հայտարարել կապիկի ծաղիկի տարածման պատճառով
Քաղաքականություն
02.08.2022 | 14:41
Ամերիկյան Կալիֆոռնիայի նահանգապետ Գևին Նյուսոմն արտակարգ դրություն է հայտարարել կապիկի ծաղիկի տարածման պատճառով։
«Որոշումն ընդունվել է՝ ռիսկային խմբերի պատվաստման և հիվանդներին բուժելու ջանքերին աջակցելու համար»,- գրել է նա Twitter-ում։
Այսպիսով, Կալիֆոռնիան դարձել է ԱՄՆ երկրորդ նահանգը վերջին երեք օրվա ընթացքում, որտեղ արտակարգ դրություն է հայտարարվել կապիկի ծաղիկի պատճառով։
Նահանգապետն ասել է, որ արտակարգ դրության հայտարարումը կօգնի համակարգել համազգային արձագանքները հիվանդության տարածմանը, ավելի շատ պատվաստանյութեր մշակել, տեղեկացնել բուժման և պատվաստումների մասին և նվազեցնել վարակի վտանգը: Բացի այդ, Նյուսոմն իր հայտարարության մեջ հանդես է եկել ի պաշտպանություն ԼԳԲՏ համայնքի «խարանի դեմ պայքարում»։
Բնակչությամբ ԱՄՆ ամենամեծ նահանգի՝ Կալիֆոռնիայի նահանգապետի հայտարարությունը հաջորդել է հուլիսի 30-ին Նյու Յորք նահանգի, ինչպես նաև հուլիսի 28-ին Սան Ֆրանցիսկոյի իշխանությունների նմանատիպ որոշմանը: Կալիֆոռնիան արդեն ստացել է պատվաստանյութի ավելի քան 61․000 դեղաչափ և պատվաստել է ավելի քան 25․000 մարդու:
Տաթև Ֆռանգյան
