16.09.2026 | 17:11
Գազայում շենքի փլուզման հետևանքով առնվազն 20 պաղեստինցի է զոհվել, տասնյակ մարդիկ փլատակների տակ են․ ՏԵՍԱՆՅՈՒԹ
Ջո Բայդենը հաստատել է ԿՀՎ-ի գործողության հետևանքով «Ալ-Քաիդայի» առաջնորդի սպանությունը
Քաղաքականություն
02.08.2022 | 13:54
«Ալ-Քաիդայի» առաջնորդ Այման ալ-Զավահիրին սպանվել է Քաբուլում Կենտրոնական հետախուզական վարչության (ԿՀՎ) անօդաչու թռչող սարքի հարձակման հետևանքով։ Այս տեղեկությունը հաստատել է ԱՄՆ նախագահ Ջո Բայդենը, գրում է DW-ի ռուսական ծառայությունը։
«Արդարատությունն իրականացվել է, և ահաբեկչական այս առաջնորդն այլևս չկա»,- ասել է Բայդենը՝ հավելելով, որ ԱՄՆ-ը երբեք չի նահանջում։
Սպիտակ տան ղեկավարը պարզաբանել է, որ հարվածի ժամանակ ալ-Զավահիրիի ընտանիքի անդամներից ոչ ոք չի տուժել, Աֆղանստանում խաղաղ բնակչության շրջանում նույնպես զոհեր չկան։ Բայդենը հույս է հայտնել, որ «Ալ-Քաիդայի» ղեկավարի վերացումը խաղաղություն կբերի 2001 թվականի սեպտեմբերի 11-ի հարձակումների զոհերի հարազատներին։
Սպիտակ տան ղեկավարը հակաահաբեկչական գործողությունը հաջող է որակել։
Reuters-ի փոխանցմամբ՝ սա ահաբեկչական խմբավորմանը հասցված ամենահզոր հարվածն է 2011 թվականին նրա հիմնադիր Ուսամա բեն Լադենի սպանությունից ի վեր։ Գործակալության տվյալներով՝ անօդաչու թռչող սարքով հարձակումը տեղի է ունեցել հուլիսի 31-ին։
Թալիբների խոսնակ Զաբիհուլլա Մուջահիդն ավելի վաղ դատապարտել էր հարվածը՝ այն անվանելով «միջազգային սկզբունքների խախտում»:
Տաթև Ֆռանգյան
