16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Շախմատի 44-րդ օլիմպիադա. Հայաստանի հավաքականների արդյունքները 3-րդ տուրից հետո
02.08.2022 | 11:20
Հնդկաստանի Չեննայ քաղաքում շարունակվում է շախմատի 44-րդ օլիմպիադան. տեղեկացնում են ՀՀ ԿԳՄՍՆ-ից։
Տղամարդկանց հավաքականը մեկնարկային տուրում 4:0 հաշվով հաղթանակ է տարել Մադագասկարի թիմի նկատմամբ, իսկ կանանց հավաքականն առավելության է հասել Բոստվանայի թիմի նկատմամբ:
Երկրորդ տուրում Հայաստանի տղամարդկանց և կանանց հավաքականները ևս հաղթանակներ են տարել:
Տղամարդկանց թիմը 3:1 հաշվով հաղթել է Անդորրայի ընտրանուն, իսկ կանանց հավաքականը 4:0 հաշվով առավելության է հասել Նորվեգիայի նկատմամբ:
Երրորդ տուրում տղամարդիկ մրցել են Եգիպտոսի հավաքականի հետ և հաղթել 2,5:1,5 հաշվով։ Հայաստանի հավաքականի կազմում հաղթանակ է տարել Ռոբերտ Հովհաննիսյանը, իսկ Գաբրիել Սարգսյանը, Հրանտ Մելքումյանն ու Մանուել Պետրոսյանը պարտիաները ոչ-ոքի են ավարտել։
Երրորդ տուրում կանանց հավաքականն առաջին պարտությունն է կրել՝ 1,5:2,5 հաշվով զիջելով Էստոնիայի թիմին:
Չեննայում ընթացող շախմատի hամաշխարհային օլիմպիադայի չորրորդ տուրում տղամարդկանց Հայաստանի հավաքականը կմրցի ավստրիացիների հետ: Հայ շախմատիստներն այս պահին 9,5 միավորով կիսում են 14-19-րդ տեղերը:
Կանանց Հայաստանի հավաքականն էլ 4 միավորով նահանջել է 22-րդ հորիզոնական: 4-րդ տուրում հայ շախմատիստուհիները կմրցեն Իռլանդիայի հավաքականի հետ:
