19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
Ուկրաինայում պատերազմն ավելի քան 5300 խաղաղ բնակչի կյանք է խլել
Քաղաքականություն
02.08.2022 | 12:21
Ուկրաինայում պատերազմի սկզբից ի վեր 5327 մարդ է զոհվել, ավելի քան 7000-ը՝ վիրավորվել, հայտնում են ՄԱԿ-ի Մարդու իրավունքների գերագույն հանձնակատարի գրասենյակից, գրում է BBC-ի ռուսական ծառայությունը։
«Քաղաքացիական անձանց շարքում զոհերի և վիրավորների մեծամասնությունը խոցման մեծ տարածք ունեցող զենքերի կիրառման հետևանքով է գրանցվել՝ ծանր հրետանուց, բազմակի հրթիռային համակարգերից, ինչպես նաև օդային հարվածներից», – ասվում է շաբաթական զեկույցում:
ՄԱԿ-ի տվյալներով՝ զոհերից 2056-ը տղամարդ է, 1400-ը՝ կին, 165-ը՝ տղա, 146-ը՝ աղջիկ։ Զոհերից 41 երեխայի և 1519 չափահասի սեռը դեռևս չի հաջողվել պարզել։ 7257 վիրավորների շարքում կան հարյուրավոր անչափահասներ՝ 221 տղա, 155 աղջիկ, ինչպես նաև 195 երեխա, որոնց սեռը դեռևս չի որոշվել։
Տաթև Ֆռանգյան
