17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
68 նավ սպասում է Ուկրաինայի նավահանգիստներից դուրս գալուն
Քաղաքականություն
02.08.2022 | 11:42
Ուկրաինայի նավահանգիստներում շուրջ 1,2 մլն տոննա բեռով 68 նավ կա, որ սպասում է ճանապարհ ընկնելուն, հաղորդում է Ուկրաինայի ծովային նավահանգիստների վարչությունը։ Ամբողջ բեռի 2/3-ը սննդամթերք է, գրում է BBC-ի ռուսական ծառայությունը․ 480 հազար տոննա հաց, կարագ և եգիպտացորեն, ևս 1 մլն տոննա հացահատիկ պահվում է ուկրաինական նավահանգիստների տերմինալներում և պահեստներում։
«Մեծ Օդեսայի նավահանգիստներում ևս 16 նավ հերթ է կանգնած․ սրանք այն նավերն են, որոնք արգելափակվել են Ռուսաստան լայնամասշտաբ ներխուժման սկզբից ի վեր: Զուգահեռաբար մենք դիմումներ ենք ստանում նոր նավերի ժամանման համար՝ գյուղմթերքներ բեռնելու համար»,- ասել է Ուկրաինայի ծովային նավահանգիստների վարչության ղեկավար Օլեքսեյ Վոստրիկովը։
Նախօրեին Օդեսայի նավահանգստից մեկնել էր 26 տոննա եգիպտացորենով բեռնված առաջին նավը։ Այն պետք է Ստամբուլ հասնի այսօր կեսօրին, որից հետո կուղևորվի Լիբանան։
Տաթև Ֆռանգյան
