16.09.2026 | 13:07
Դուք ուզում եք գազը թանկանա, ուզում եք սանկցիաները ավելանան․ Թունյանը՝ «Ուժեղ Հայաստան»-ին․ ՏԵՍԱՆՅՈՒԹ
Փելոսին, այնուամենայնիվ, ժամանելու է Թայվան՝ չնայած Չինաստանի դժգոհությանը․ ԶԼՄ-ներ
Քաղաքականություն
01.08.2022 | 21:06
ԱՄՆ Ներկայացուցիչների պալատի նախագահ Նենսի Փելոսին օգոստոսի 2-ի երեկոյան ժամանելու է Թայվան, իսկ հաջորդ օրը հանդիպելու է կղզու ղեկավարության հետ։ Այս մասին հաղորդում է թայվանական ETtoday տեղեկատվական պորտալը, որին վկայակոչում է ՌԻԱ Նովոստին։
Աղբյուրի տվյալներով՝ Փելոսին 20 հոգանոց պատվիրակությամբ տեղական ժամանակով 22։30-ին ժամանելու է օդանավակայան։ Գիշերն անցկացնելու է Grand Hyatt հյուրանոցում, իսկ օգոստոսի 3-ի առավոտյան այցելելու է Թայվանի խորհրդարան, հանդիպելու է տեղի ղեկավարության հետ։ Նույն օրը նա հեռանալու է կղզուց։
Հիշեցնենք, որ Չինաստանը դեմ է արտահայտվել այս այցին՝ սպառնալով հետևանքներով։ Մամուլում նաև տեղեկություններ են տարածվել, որ ԱՄՆ նախագահ Ջո Բայդենի վարչակազմը ևս դեմ է Փելոսիի այցին։
Էմմա Չոբանյան
