19.08.2026 | 16:33
Ռուս-վրացական սահմանը 24 ժամում ավելի քան 20,000 մարդ է հատել․ Վերին Լարսում մեծ խցանում է
ՌԴ-ն պատժամիջոցներ է սահմանել Մեծ Բրիտանիայի նախկին վարչապետի, մի շարք քաղաքական գործիչների, գործարարների և լրագրողների նկատմամբ
Քաղաքականություն
01.08.2022 | 21:27
ՌԴ-ն պատժամիջոցներ է սահմանել Մեծ Բրիտանիայի ևս 39 քաղաքական գործիչների, գործարարների, լրագրողների նկատմամբ, գրում է BBC-ի ռուսական ծառայությունը։
Նշվում է, որ ցուցակը գլխավորում է Մեծ Բրիտանիայի նախկին վարչապետ Դեյվիդ Քեմերունը։ Բացի հակապատերազմական արտահայտություններից՝ նա նաև զբաղվել է բարեգործությամբ ու անձամբ բեռնատար վարելով՝ լեհ-ուկրաինական սահման հումանիտար օգնություն է հասցրել։
Ցուցակում է նաև Լեյբորիստական կուսակցության առաջնորդ Քիթ Սթրամերը, Անգլիայից ու Շոտլանդիայից խորհրդարանականներ, երեք գործարար խորհրդատվական ընկերությունից, ինչպես նաև լրագրողներ Times, Guardian, Daily Telegraph, Economist, Sun, ITV և Sky News լրատվականներից։ BBC-ից պատժամիջոցների ցուցակում են լրատվական ծառայության ղեկավար Ջոնաթան Մանրոն, հաղորդավար Հյու Էդվարդսը և պրոդյուսեր Ռոբերտ Փեսթոնը։
Հավելենք, որ ավելի վաղ Ռուսաստանը մեծ Բրիտանիայի 40 քաղաքացու էր ներառել իր պատժամիջոցների ցուցակում։
Էմմա Չոբանյան
