28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
ԵՄ-ն Ուկրաինային մեկ միլիարդ եվրո է տրամադրել
Քաղաքականություն
01.08.2022 | 15:55
Եվրամիությունը Ուկրաինային մեկ միլիարդ եվրոյի չափով մակրոֆինանսական օգնություն է ուղարկել։ Այս մասին հայտարարել է երկրի վարչապետ Դենիս Շմիգալը, գրում է korrespondent-ը։
Նրա խոսքով՝ 500 մլն եվրոյի առաջին տրանշն արդեն մուտքագրվել է Ազգային բանկի հաշվեհամարին։ Ակնկալվում է, որ երկրորդ տրանշը կհասնի վաղը։
«1 միլիարդ եվրոն Ուկրաինային աջակցության մեծ փաթեթի մի մասն է՝ պատերազմի ֆինանսական հետևանքները հաղթահարելու համար (աջակցության ընդհանուր չափը կազմելու է 9 միլիարդ եվրո): Միջոցները կօգնեն ֆինանսավորել առաջնահերթ բյուջետային կարիքները»,- ասել է վարչապետը:
Հիշեցնենք, որ անցյալ շաբաթ Եվրոպական ներդրումային բանկը որոշել էր 1,59 միլիարդ եվրոյի ֆինանսական օգնություն հատկացնել Ուկրաինային։
Տաթև Ֆռանգյան
