09.10.2026 | 17:08
Պուտինը, Ալիևն ու Փեզեշքիանը Թուրքմենստանում եռակողմ հանդիպում են անցկացրել
Իրանն ատոմային ռումբ ստեղծելու տեխնիկական հնարավորություն ունի, սակայն նման ծրագիր օրակարգում չկա
Քաղաքականություն
01.08.2022 | 14:15
Իրանի ատոմային էներգիայի կազմակերպության ղեկավար Մոհամմադ Էսլամին հայտարարել է, որ Իրանն ունի ատոմային ռումբ ստեղծելու տեխնիկական հնարավորություն, սակայն նման ծրագիր օրակարգում չկա, գրում է Mehr-ը։
Անդրադառնալով Ատոմային էներգիայի միջազգային գործակալության հետ Իրանի փոխգործակցությանը՝ Էսլամին հայտարարել է, որ Իրանի Ատոմային էներգիայի կազմակերպության և ՄԱԳԱՏԷ-ի միջև կառուցողական փոխգործակցություն հաստատված է, համագործակցությունը չի խաթարվել, որովհետև Իրանի բոլոր գործողություններն իրականացվում են գործակալության հսկողության ներքո՝ հիմնված Միջուկային զենքի չտարածման մասին պայմանագրի և անվտանգության ապահովման վրա:
Նա նաև մատնանշել է Իրանի միջուկային համաձայնագիրը, որը հայտնի է որպես Գործողությունների համատեղ համապարփակ ծրագիր (JCPOA)՝ շեշտելով, որ JCPOA-ից դուրս գալուց հետո գործարքին կրկին վերադառնալու համար արևմտյան կողմը ներկայացնում է նախկինում հնչեցրած կեղծ մեղադրանքները, ինչն Իրանի կողմից անընդունելի է։
Ուստի, Էսմալիի խոսքով, որոշվել է անջատել JCPOA-ին առնչվող բոլոր տեսախցիկները, որպեսզի մյուս կողմը հասկանա, որ չպետք է նորից բարձրաձայնի այդ կեղծ մեղադրանքները։
Տաթև Ֆռանգյան
