20.06.2026 | 19:55
Նյու Յորքում հրդեհ է բռնկվել պատմական հուշարձանի կարգավիճակ ունեցող եկեղեցում, փլուզվել է զանգակատունը
Տաշքենդում Թուրքիայի, Ուզբեկստանի և Ադրբեջանի ԱԳ նախարարները եռակողմ հանդիպում են անցկացնելու
Քաղաքականություն
01.08.2022 | 13:41
Թուրքիայի, Ուզբեկստանի և Ադրբեջանի ԱԳ նախարարները վաղը՝ օգոստոսի 2-ին, Տաշքենդում եռակողմ հանդիպում են անցկացնելու։ Այս մասին հայտնում է Թուրքիայի ԱԳՆ-ն, որին վկայակոչում են ադրբեջանական լրատվամիջոցները։
Նշվում է, որ երեք երկրների տրաստպորտի ու էկոնոմիկայի նախարարները ևս հանդիպելու են։
«Ադրբեջանի, Թուրքիայի և Ուզբեկստանի արտաքին գործերի, էկոնոմիկայի և տրանսպորտի նախարարների առաջին հանդիպումը տեղի կունենա օգոստոսի 2-ին Տաշքենդում»,- ասվում է հայտարարության մեջ։
Նշվում է, որ տվյալ եռակողմ ձևաչափն ուղղված է երեք երկրների ընդհանուր օրակարգում գտնվող հարցերի համակարգմանը և համագործակցության ընդլայնմանը, հատկապես՝ Կասպից ծովով անցնող Մերձավոր Արևելք-Արևմուտք տրանսպորտային Միջին միջանցքին վերաբերող։
Հիշեցնենք, որ հունիսին էլ նման ձևաչափով հանդիպում էր տեղի ունեցել Ղազախստանի, Թուրքիայի ու Ադրբեջանի նախարարների միջև։
Էմմա Չոբանյան
