08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
Ռուսական զորքերը պայմաններ են ստեղծում Խարկովի վրա հարձակման համար․ ISW
Քաղաքականություն
01.08.2022 | 12:45
Ռուսական զորքերը վերսկսել են տեղային ցամաքային հարձակումները Իզյումից հյուսիս-արևմուտք և հարավ-արևմուտք և կարող են պայմաններ ստեղծել հարձակողական գործողությունների համար Խարկովի շրջանից դեպի արևմուտք կամ Խարկովի ուղղությամբ։ Այս մասին հայտնում են Պատերազմի ուսումնասիրման ամերիկյան ինստիտուտի (ISW) փորձագետները նոր զեկույցում, գրում է BBC-ի ռուսական ծառայությունը։
«Ռուսական ուժերը մի քանի ամիս պահում էին դիրքերը Բալաքլիայի ու Վելիկայա Կամիշեվախի շրջանում և կարող են օգտագործել այդ երկու շրջանները, որպես հարթակ հարձակողական գործողության համար»,-գրում են փորձագետները։
Նրանց կարծիքով՝ ռուսական ուժերը դժվար թե կարողանան գրավել Խարկովի շրջանը կամ Խարկովը՝ Ուկրաինայի բնակչության թվով երկրորդ քաղաքը, հաշվի առնելով Դոնբասում առաջխաղացման տեմպի, ուժերի ստեղծման ու լոգիստիկայի հետ կապված խնդիրները։
Ինստիտուտի փորձագետները նշում են, որ ռուսական զորքերը կարող են հարձակումներ իրականացնել՝ կանխելու ուկրաինական զորքերի հակահարձակումները։
Էմմա Չոբանյան
